“E Kanga te Atua ni Kairai nakon Ana Mwakuri?,” Riaona, Turai 2023.
Nakomai, Iriirai
E Kanga te Atua ni Kairai nakon Karaoan Ana Mwakuri?
On the Road to Damascus[N te Kawai nako Tamateko], Lifeway Collection / licensed from Goodsalt.com
Ngkana ti wareka karakinan rairakin Tauro, e anaaki nanora man ana kaeka nakon te Tia Kamaiu: “Te Uea, tera ae ko tangiria bwa na karaoia?” (Makuri 9:6). Ngkai ana reirei Iesu Kristo, ti aki toki n titiraki te titiraki ae okioki ngkai ti ukora karaoan ana mwakuri te Uea.
Ma tera ae riki imwiin ara titiraki nakon te titiraki? Ti na kanga ni karekea te kairi n ataa ana kaantaninga te Atua ibukin ara mwakuri?
Te Anganano nakon te Mwakuri
Te kaeka nakon ana titiraki Tauro bwa tera ae riai ni karaoia, e kaeka ni waekoa te Uea ma te kaetieti nakoina bwa e na nako Tamateko. N taai tabetai ti kaantaningaia bwa te Uea e na anganiira te kairiiri ae ai aron raoi anne. Ma ti riai n aki tataninga ibukin kaetieti teutana mwiin teutana imwain ae ti karaoa ana mwakuri te Atua.
E reirei Unimwaane Dieter F. Uchtdort man te Kooram n Abotoro n te Tengaun ma Uoman, “N taai nako te kaeka nakon ara tataro e aki roko ngke ti katorobubua ma ngke ti tei iaon waera ni beku ibukin te Uea ao ibukiia ake irarikira”(“Waiting on the Road to Damascus,” Riaona, Meei 2011, 76).
Iangoia bwa e kanga te Uea ni kairiia aomata aikai nakon mwakuri ni ibuobuoki ibukina bwa iai nanoia ni kan karaoa te mwakuri:
-
Tauro n Makuri 9:20
-
Betero n Makuri 9:32–42