Te Mwakuri n Ibuobuoki ma te Tangira ae Kororaoi

Ti kona ni karaoa te okoro ae kakawaki man kaotan te tangira n kawaina raoi.

Tamnei

placeholder altText

How Dorcas Helped the Poor [E kanga Dorcas ni Buokiia Kainano], Classic Bible Art Collection / licensed from GoodSalt.com

Te Banna ni Katooto n te Tangira ae Kororaoi

Tabita (are e ataaki naba bwa Toreka) bon ana reirei Iesu Kristo ae maeka i Iobe. E kinaaki bwa te aine ae “bati ana mwakuri aika raraoi ma ana bwai n tituaraoi ake e karaoi” (Makuri 9:36). E tatangiraki ibukina bwa e bati ana mwakuri n tangira nakoia tabeman. N ai aron te tia Kamaiu, e maiuakina te maiu n ibuobuoki. E bati ana konabwai ao ana taarena ake e kabonganai ni karaoa te bitaki.

Teuana mai buakon ana konabwai bon karaoan kooti ao kunikai, ake tabeua mai iai aika a nakoia aine ake akea buia ake a kainnano. Nakoia ake a karekea ana bwai n tangira, bon ana bwai n ibuobuoki te Atua. Ngke e roko Betero n nooria imwiin matena, “a bane n tei aine ake akea buuia irarikina n tang, ao n itui kooti ao kunikai are e karaoi Toreka, ngke e mena ngkoa ibuakoia” (Makuri 9:39). E rangi n ringaki nanona ao e a kautia man te mate, ake a bati ake a kakoaua iai iroun te tia Kamaiu (Makuri 9:40–42).

Te Mwakuri n Ibuobuoki ma te Tangira ae Kororaoi

Te tangira ae kororaoi bon ana tangira Iesu ibukira ao te tangira are E kaantaningaia mairoura ibukiia tabeman. Bon tangiraia raora n ai arora (taraa Mataio 22:37–39), karekea nakoia te nanoanga, taotaona n nano, ao te nanoanga are ti tangiria bon ibukira (taraa Mataio 7:12). Bon te beku ibukiia, n ai aron Tabita, ni kabonganai bwai n tangira ao taarena ake ti a tia n anganaki.

Ti kona ni karaoa te bitaki ae kakawaki man kaotan ara tangira ni kawai ake ti taneiai iai—e ngae ngkana te bwai ae ti karaoia e bebete. Ngkana ko taarena n te ituutu, e kona n riki anne bwa am mwakuri n ibuobuoki, ma tao ko a mwaaai riki ni kabutan te bwai ni koro uteute nakon te mitiin n ituutu. Ke tao am bwai n tangira bon ataakina bwa e kanga aron te ongora ao ni mena ikekei bwa te rao ni koaua.

Karikirakean te Tangira ae Kororaoi

Ti na kanga n karikirakea anuan maiun Iesu n te tangira ae kororaoi?

Te tangira ae kororaoi bon te bwai n tangira are Tamara are i Karawa e anganiia taan ririmwin ni koaua Iesu Kristo. “Tataro nakon te Tama ma korakoran nanomi ni kabane, bwa kam na kaonaki n te tangira aio” (Moronaai 7:48).
E reirei Moomon bwa te tangira ae kororaoi bon: “Te tangira ae kororaoi e taotaonaki n nano, ao e akoi, ao e aki bakantang, ao e aki kainikatonga, ao e aki ukoukora oin nanona, e aki kakai un, e aki iangoa te buakaka, ao e aki kimwareirei n te buakaka ma e kimwareirei n te koaua, e keiakin bwaai ni kabane, e kakoauai bwaai ni kabane, e kantaningai bwaai ni kabane, ao e teimatoa n nanomwaka ni bwaai ni kabane” (Moronaai 7:45). Tiaki ti aikai kawai n taekinna ngkana ko kaonaki n te tangira; a bon irekereke naba ma anua ni maiu ake ana karikirakea te kona n tangira ngkai ti karikirakei.
Te Nanoanga e karekea tibwaan te namakin nakoia aomata.¹ Ngkai ti ukora arora n oota irouia tabeman, ti anga te tangira ae e kororaoi bwa te tai n rikirake. Kataneiako n titiraki taian titiraki n aro n ibuobuoki ao n tangira, ao imwiina kakauongo ma te tataona n nano ao te oota.
Karaoa nanon te Tangira ae kororaoi. Anga am tai ao bwaai n ibuobuoki riki tabeua, ni ikotaki ma te kakabwarabure, nakoia ake a kainnanoia. E reirei Beretitenti Thomas S. Monson (1927–2018): “Te kabwarabure e airiiri ma te tangira. … Bukinakiia aomata ni karaoan bwaai aika bure e aki kona ni kamaiuira. Bon ti te kabwarabure ae kona ni kamaiuira.”²