“Bitakin Arou ni Karekean au Kakoaua,” Riaona, Turai 2023.
Kairake n Ikawai
Bitakin Arou ni Karekean au Kakoaua
Te moan tai I karekea koraan te onimaki ae beebete ae bon koaua.
I ikawairake n te Ekaretia—I nakon te waaki ni kakukurei, ao n ira te tataro n te utu ao kamatebwaian te booki ae tabu. Ma bon akea raoi au kakoaua. I aki ataia raoi ngkana I kakoaua te Atua ke Natina. I aki ataia ngkana e bon koaua ana Boki Moomon.
I tangiria ni karekea au kakoaua, ma I onrake n te un imwiin au tataro aika a mwaiti n akean karekean te kaeka. I moanna ni iangoia, “Ngkana e bon koaua te Atua, bukin tera E aki kaotai bwaai nakoiu? Bukin tera E katukai ikai n miimi?”
Ngkana I tanrikaaki, I kona n noora raoi bukina bwa e aera I aki karekea te kaeka: E aki tau are I karaoia. I wareware n koroboki aika a tabu n ti nimaua te miniti n te wiiki ao n kaantaningai kaotioti tabeua ibukina bwa I bubuti ibukina.
I aki ataia bwa te onimaki bon reirein te mwakuri.
Koraan te Onimaki
Te aomata are e taraa tinaniku e na kona n aranai bwa I “kakaonimaki”, ma I bon aki ataia ngkana e koaua te Ekaretia. Ma I bon tangiria ni kan ataia.
Ngaia are I baireia bwa N na karaoa au mwakuri ni mitinare. E kaairua au katautau bwa ngkana te mitinare, N na kona n otematiki ni karekea riki ana kaeka te Atua. E bon aki naba tau korakorau nakon te tataro ke au kamatebwai, ma ni waekoa I karekea katabeau.
Ni moan au mwakuri ni mitinare, I kakorakoraai ni namakina te Tamnei inanon ara kataneiai ionrain n tain te aoraki ae butinako ibukin au mwakuri ae e aki bane nanou iai. Ma imwiina I roko n te tabo ni kataneiai ibukiia mitinare. Ao au tai ikanne are I a karekea te taneiai are korakora n te maiu Tamnei ni maiu. Bon te moan tai ae I karekea iai koraan te onimaki ae bon koaua.
Karaoan te Bitaki
N tokina I roko n te mwakuri ni mitinare are e bon matoatoa. I namakinna bwa au kakoaua ae uarereke ae I a tia ni karekea a manga bua.
N te bong teuana I tang, ao ngkanne e roko irou te ururing. E aki toki n tuangai tamau bwa e uara au bong n te reirei, ao n taainako I tuangnga bwa a rangi ni kabotu. Ao e taku, “Ma, e riki anne bwa bon gke ae ko karikia bwa e na kabotu. Ngkana ko tangiria bwa e na kaunga te reirei, karaoia bwa e na kaunga.” I kunea bwa N na bon kanakoraoa au tai ni mwakuri ni mitinare rinanon reirei ao n rikirake ke N na rinanon te kangaanga.
Ngaia are i tataro ma nanou ni koaua nakon are mai imwaina riki n tuanga Tamau are i Karawa bwa N na keiaki ao ni bita arou. Imwiin anne, I kaungaaki ni kakorakoraai riki. I moana raoi au kamatebwai ae koaua ao n tataro, ao ni iangoia raoi, ao inanon te tai ao otan au koaua a oki—ao n tabe n rikirake. E kerikaaki uniu, ao I moanna ni kunea te kimwareirei n te euangkerio.
Are Ti Anga E na Manga Reke Iroura
Ngkana ko un ma am namakin n aron am koaua e aki rikirake, ko na bae ni mimii ngkana e mena ikekei te Atua ao E tabe ibukim. Ma I reiakinna bwa E memena iroura n taainako ao man buokira ni kamatoai ara onimaki ao kakoaua ngkana ti mwakuriia ao ni kabatia ara kekeiaki iai (taraa Moronaa 10: 4).
E taku Unimwaane Robert D. Hales (1932–2017) man te Kooram n Abotoro n te Tengaun ma Uoman, “Ngkai kanga e taraa n akea aron karaoana raoi ike ngaira ni kabane ti karekea ara kakoaua , iai raoi kanga taraan te namakin ni karekeana.”1 Te banna ni katooto e airi ma karekean te nano ae koaua n ataa te koaua, tataro, tatauraoi nakon te beku are ti weteaki iai, kekeiaki n ongeaba, kamatebwaian booki aika tabu ao ni maiuakinna, ao bwabwaina te nanorinano.
N na bon aki kona ni kakorakoraki au onimaki n akean bitakin arou, ni iriran te banna ni katooto aei, ao ni reita raoi nanou ma Tamara are i Karawa ao Iesu Kristo. Ngke I karaoi bitaki akanne, I moanna ni karekei kaeka ao ni kakoauai kaoaua.
E taku Titita Rebecca L. Craven te Kauoman ni Kauntira n te Beretitentii ni Kabuta n Aia Bootaki n Ataeinaine: “Te riki bwa ana reirei Iesu Kristo e tangira riki nakon ti kaantaningaan ke kakoauaakina. … E kainnanoia bwa ti na karaoa te bwai teuana.”2 I a tia n reiakinna ibukiu bwa e bon koaua aio: Tera ae uotia nakon te euangkerio bon ngaia ae N na karekea mai iai.
Ibukiia ake mamataku, korakoran au mwakuri n te Ekaretia e taraa n ae bon ti te arona n taainako mai moana. Ma I a tia ni bita au motinnano i nanou n anganano nakon te euangkerio. Ao e a tia ni karika ae korakora ni maiu.
E maeka te tia korokaraki i Washington, USA.