“N na Kanga ni Kakoaua ngkana I aki Nooria?,” Riaona, Turai 2023.
Nakomai, Iriirai
N na Kanga ni Kakoaua ngkana I aki Nooria?
Kabwarabwara man E kaoti Iesu nakoia te Tengaun ma Uoman,, iroun Scott Snow
Temanna man ana Abotoro Iesu Kristo, Toma, e aki kakoauaa Kristo bwa e a manga uti ni karokoa e na nooria n rabwatana (taraa Ioane 20:25). Ngke e a noora te Tia Kamaiu ae manga uti Toma, e tuangnga te Tia Kamaiu, “Ko onimaki, ngkai ko norai: a kabaia akana onimaki ngkana a tuai n norai, ma a kakoaua” (Ioane 20:29).
Ti na kanga ni iriira ana kakao Iesu Kristo bwa “ko na tai rawa n onimaki, ma ko na onimaki”? (Ioane 20:27).
Kawai ni Kakorakoraan Onimaki ao Kakoaua
Kamatebwaian booki aika tabu. “E reke te onimaki n te ongora, ao te ongora e reke man ana taeka te Atua” (I-Rom 10:17).
Maiuakina te euangkerio. “Ngkana e kan toua mwin ana taeka Teuarei te aomata, ao e na ata te reirei, ba tao mairoun te Atua, ke tao I taetae mai Rou” (Ioane 7:17).
Ukeran kaotioti rinanon te Tamnei ae Raoiroi. Te koaua are e taraaki riki e kamatoaaki man te kaotioti mai iroun te Atua. Bukina iroura ngaira aomata ao kabonganaakin ara namakin e bon aki tau” (Henry B. Eyring, “The Holy Ghost as Your Companion,” Riaona, Nob. 2015, 104).