“Namakin n te Tembora,” Riaona, Turai 2023.

Namakin n n te Tembora

Iroun Norman C. Hill

Umwan te Uea bon te tabo ibukin te kaotioti. Mwaitin nakora nakon te tembora, mwaitin riki karekean te kaotioti.

Tiaki ti te kateitei ae tabu umwan te Uea are ti karaoa iai te mwakuri ni kamaiu ma bon te tabo naba ibukin kaotioti, are a kona n riki iai namakin aika a bubura ao a uarereke, are a kona ni kamaoaki iai manekan nanora , ao ike e kona te Uea n kakibei nanora n kawai aika ti aki kaantaningai.

Te Kaunganano ae te Kabanea n Nakoraoi

Ngke I beku bwa te tia mwakuri ma otenantin te Tembora i Houston Texax, a kaoti taan rebwerebwe nakon te tabo ake a tei iai kaa ao n bubuti ngkana a kona n rin te tembora. Te beretitenti n te tembora, Richard Sutton, e kabwarabwara nakoia kaain te kurubu aei te kaantaninga ibukin te tembora ao karekean te beeba ni kariaia nakon te tembora. Te tia kairiiri ao temanna riki a rangi ni kakauongo raoi.

“I namakina te bwai teuana ngke ti buti irarikin ami kateitei, e taku. I aki kona ni kabwarabwara, ma bon te namakin ae te Kabanea n Nakoraoi ngaia ae I tangiria ni kakaea bwa tera bukina.”

A tangiria riki naakai ni kan ataia riki, ngaia are e bairea te tai Beretitenti Sutton ibukiia mitinare bwa a na kawaria.

E raka iaon teuana ao teiterana te ririki imwiina, e roko te karebwerebwe n mataroan ana aobiti Beretitenti Sutton n te tembora. “Ko na bae n aki kinaaki, ma n taai aika a nako I roko ikai ma tabeman raoraou n ara rebwerebwe. N te tai anne, I kona n ti taratara mai i tinaniku.” E taua ana beeba ni kariaia nakon te tembora, ao e reitia, “N te bong aei N nang taratara mai inanona.”

Te Kauoua n Taetae

Ngke a weteaki Dean ao Bonnie Hill nakon te nakoa ni mitinare ibukiia taanga n te tembora i Cochabamba Bolivia, e rootaki n te maaku Bonnie. E tuai man kamatea te taetae n Spanish ao e aki koaua ibukin ana konabwai ni karaoi otenanti aika a riai ke n reitaki ma tabeman n te taetae ae aki ataia. Te kakabwaia n te nakoanibonga e berita nakoia bwa e na kona ni reitaki n te taetae ao n te tamnei n Spanish.

I aki kona n taetae n ae bati n Spanish i tinanikun te tembora,” e taku. “Ma n ana auti te Uea, e tara ni bebete nakoiu.”

Imwiin okina ma buuna nakon mwengaia ao n kaea te reirei n te Spanish n te Tembora i Ogden Utah, taan mwakuri n te tembora a tuangnga bwa e rangi n tamaroa ana taetae.

Karaoa te Bwai Teuana N Namakina te Kimwareirei

E taku Beretitenti Russell M. Nelson “Ti kona ni kaungaaki ni boongi nako ibukin te tembora ao rongorongon te utu are a tia n rinanona tabeman. Ma ti riai ni karaoa te bwai teuana bwa ti na rinanon te kukurei anne i bon iroura.”¹

Te Kimwareirei ao kairi mai ieta n ai aron naba namakin ao kakoaua a tataningaira n te tembora. Bon iai te taetae mai karawa ae taekinaki ao n ataaki nanona ikekei ae e tauraoi n taabo nako n te aonaaba. Ti karekei kaotioti are e tangiria te Uea n anganira n te tembora tiaki ti ngkana ti roko n te tembora ma ngkana ti nako naba ikekei ni kaantaninga karekean kaotioti. Aikai tabeua katooto iaon kairi mai ieta ake a karekeaki:

E ukora te kairi n te tembora Martin Goury of Cote d’Ivoire ae kakawaki nakon te maiu ao ni karekea te kamatoa ae kamiimi are e a tia n reke irouna n kaekaan ana tataro ibukina. Aio te reirei ae reiakinaki iai Oliver Cowdery iroun te Uea: “Kaoka am iango nakon te tairiki are ko tang iai nakoiu mai inanom. … I aki tuangko te rau n am iango ni kaineti ma aio?” (Reirei ao Berita aika Tabu 6:22, 23).
E maeka Randy Bronson ni kaan ma te Tembora i Payson Utah ao ni karaoa te kakaae n te riki n te utu n ririki aika a mwaiti. Ma iai natiu te mwaane ae aki kakaonimaki, ao I kakoauaa n taainako te bwai ae I kona ni karaoia ibukina. Ngaia are I aki katuka arana n te tabo n tataro, ma I tataro mwaaka n te tembora, ni kataia ni kakaaea te bwai ae I kona ni karaoia ibukina. I karekea te buoka bwa tera ae N na karaoia ibukina.”
“Ngkoe te tina ae ko tamaroa,” E taku Stephanie Fackrell Hill nakon te iruaa n te Tembora i Logan Utah. “Ko kanga n ataia?” e titiraki te tina ngkekei naba. E taku Titita Hill, “I noora ana korobanna am ataei iaon baim, ao ngke I noria, I namakina te Tamnei bwa n na tuangko.” Te tina aio e kataia ni karabai baina. E a oki nanona, e namakinna ngkai butimwaeana nakon are e kai nooraki.

Te tembora bon te tabo tiaki ti ibukin kamaiuaia ara bakatibu ma te tabo naba n karekei kaekaakin nako kaotioti are a kona ni kairiira ao tabeman ni kawaia nakon te berita ae tabu. E taku Beretitenti Nelson, “Ngaira n tatabeman ti kainnanoa reitinakon kakorakoraan te maiu n tamnei ao te reireiaki are e tii kona n reke inanon ana auti te Uea.”² Namakin aikai ao iango ake a karekeaki n Ana auti ae tabu e reiakinira n noora are e nooria Iesu, ongo are E ongo, ao ni maiuna are E maiuakinna.

E maeka te tia korokaraki i Utah, USA.