Maiuakinan ao Tibwauaan te Euangkerio

ataeinaine a taratarai koroboki aika a tabu

Nakoia Kaaro aika a Tangiraki,

Uoua kawai ti kaota ara kakaitau nakon te Atua ibukin te euangkerio bon man maiuakinana ao tibwauaakina. Te rongorongo n te beeba ni kaongora n te namakaina aei e boboto iaon karaoan ae bubura ni maiura n ana euangkerio Iesu Kristo, tao ni kakorakoraan ara onimaki Irouna, karaoan bitaki aika a kakawaki, ke kabutan Ana koaua ni kabuta te aonaaba. Te kimwareirei e tauraoi ibukiia ake a reiakinna ao n iriira ana reirei te Tia Kamaiu ao n tibwaa Ana rongorongo n te taeka ao n te mwakuri.

Marooro iaon te Euangkerio

Tibwauaan te Euangkerio rinanon ara Kakoaua

Kaoiia kaain te utu ni kabane bwa a na tibwaua aia kakoaua ae uarereke iaon reirein te euangkerio ae a mamate nanoia iai. Tibwaa ana taeka Unimwaane Quentin L. Cook ibukin aia mwakuri ni mitinare n te karaki iaon iteraniba 4. Iangoan reirein te euangkerio are ko a tibwa tia n tibwaia, titiraki: Iai aomata ae ti konaa n tibwauai reirei aikai nakoia?

Kaniiko nakon Iesu Kristo

Tuangiia natim ngkana a namakinna bwa a kaan riki nakon Iesu Kristo. Karekea rinanin aia kaeka. Kabwarabwara nimaua ana waaki ni kakukurei ni karikirakea te onimaki Unimwaane Patricio M. Giuffra (taraa iteraniba 42–43). N te utu, iangoia ni karaoa teuana man waaki ni kakukurei aikai are kam boonnanoia ni karaoia ni karaoa te bitaki ni mweengam. Katea be baire ni bootaki ni iangoa riki te waaki ni kakukurei n te namakaina aio.

Bitaki E Kona Ni Kairiira nakon Rikiraken te Maiu n Tamnei

Bitaki, aika a kaantaningaaki ao aki kaantaningaaki, bon kanoan ara taneiai n te maiu ae mamate. Wareka te karaki iroun Unimwaane Ciro Schmeil ni iteraniba 30 ibukin aekan nako bitaki inanon maiura. A kanga bitaki aikai ni buokiira riki n aron riki te tia Kamaiu?

Nakomai, Iriirai Kaunga ibukin te Utu

E tangiriia Natina Ni Kabane te Atua

Mwakuri 10

“Te Atua e aki nanorinano n tarakin aroia aomata: ma n aaba nako ane e makua, ao ni karaoa ae raoiroi, e tangiraki irouna” (Makuri 10:34–35).

Mataniwii ni Kabuta a roko man aaba aika a kakaokoro. E nakon iterana kaain te United States. Tabeman a roko mai Amerika Maiaki ao Nuuka, Atia, Eurobe, Aberika, Tebetebeke, Mexico, ao Kanata.

Ko kona n anga aran te Abotoro ae e bungiaki i Eurobe?
Ko kona n anga aran te Abotoro ae kaain Amerika Maiaki?
Ko kona n anga aran te Abotoro ae a roko ana karo mai Sweden ao Finland?
Ko kona n anga aran te Abotoro ae roko ana utu mai Tiaina?

Tao ti roko man taabo aika a kakaokoro, ma e tangirira ni kabane te Atua.

Marooro: N kawai raa ae ti te arona iai ke ni kaokoro mairouia aomata tabeman? E tangirira te Atua man aron taraakira ke ti nako mai iaa? Rinanoa karakin Betero ao Korenerio ae kuneaki n Makuri 10. Tera ae a reiakinna ibukin motikan taekaia tabeman? Tera anua aika a kakawaki iroun te Uea?