“Kūr eo an Rilo̧mo̧o̧r n̄an Kwaļo̧k Meram eo An,” Liaona, Juļae 2023.
Ruwainenetok n̄an Bok In
Kūr eo an Rilo̧mo̧o̧r n̄an Kwaļo̧k Meram eo An
Ilo Iaļ eo n̄an Emmaus, jān Wendy B. Keller, jipan̄ an Havenlight
M̧okta jān An kar walōn̄ļo̧k n̄an lan̄, Kraist eo ekar jerkakpeje ekar kajjitōk ippān Rijilōk ro an ilo Kallim̧ur Ekāāl n̄an erom̧ juon rikam̧ool kōn E “n̄an āne eo ettoļo̧k tata i laļ” (Jerbal 1:8). Kar im̧we jān eddo in, Rijilōk ro raar “jab m̧ōj aer katakin im kwaļo̧k Jisōs bwe E ri Kraist” (Jerbal 5:42).
Ilo bwebwenato eo an ilo bok in, juon rijilōk raan kein, Elder Quentin L. Cook, ej kōmeļeļeik ekōjkan ad maron̄ kwaļo̧k gospel eo an Rilo̧mo̧o̧r kōjekdoon likjab ko ad. E ej, “Ilo ad mour kōn gospel eo, iakwe im jerbal n̄an ro jet, jutak pen ilo jelm̧ae kapo eo im kakkure eo, im kwaļo̧k naan in kam̧ool ilo naan im ilo kōm̧m̧an, jenaaj kepaakļo̧k ro jet n̄an Jisōs Kraist” (peij 4).
Jān ad kepaakļo̧k kōj make n̄an Rilo̧mo̧o̧r, jej kwaļo̧k kōn naan in kam̧ool im waanjon̄ak. E enaaj ilo ioļaped, ilo aō kōmeļeļeik ilo bwebwenato eo aō ilo bok in, eļan̄n̄e jej kautiej bujen ko ad im kappukot An kapilōk jān naan ko an rikanaan ro (lale peij 40).
Ilo ekkatak eo ad kōn jerbal in karejar ko an Rijilōk ro ilo Itok, Ļoor Eō allōn̄ in, jen kejokļo̧kjeņ kōn jerbal eo ad make im kūr eo n̄an kwaļo̧k meram eo an Rilo̧mo̧o̧r ippān ro ipeļaakid. Kraist ekar walōn̄ļo̧k n̄an lan̄ etto, bōtaab ilo ad kar akweļap n̄an E n̄an “pād ippem” (Luk 24:29) rainin E enaaj kijenmej jipan̄ kōj ilo kijejetok ko ad.
Elder Patricio M. Giuffra
Jān Jiljilimjuonn̄oul eo