“Wōnm̧aanļo̧k in Mijen eo Aō,” Liaona, Juļae 2023.
Ainikien ko an Armej ro Rekwojarjar ilo Raan Ko Āliktata
Wōnm̧aanļo̧k in Mijen eo Aō
Leta eo an jema āliktata ekar ļap kilaan n̄an ilju im jekļaj eo aō, eletok n̄an eō naan ko me raorōk tata n̄an n̄a.
Ikar lem̧ōņōņō ilo mijen eo aō edipio ilo tōļ ko raiboojoj an Cajamarca, Peru, ke jema ekar jidimikij an bōk stroke. Ālkin wōt jidik iien, ekar jako.
Ke ikar ioon mijen būreejtōn eo aō, ikar jan̄ ke ikar keememej bwe jema ekar katakin eō ta meļeļe in n̄an erom juon mijenede im juon armej in m̧ool. Ekar jeje n̄an eō kajjojo wiik, kwaļo̧k naan in kam̧ool eo an, katakin eō ļōmņak ko rekajoor an gospel eo, im kōketak eō n̄an kōm̧m̧ane ijo em̧m̧an tata ippa.
Ālkin kweilo̧k eo am, mijen būreejtōn eo ekar letok n̄an eō juon leta—eo āliktata jān jema. Leta eo an ekar ļap kilaan n̄an ilju im jekļaj eo aō, eletok n̄an eō naan ko me raorōk tata n̄an n̄a:
“Ebar wōr juon am̧ [mijen] ej itok wōt ilo jejjo allōn̄—mijen eo epen tata, ijo eļap kōjatdikdik ioon ie n̄an ajeļo̧k mour eo am̧ n̄an pepded in katak ko kwar katakin, n̄an kōm̧m̧ane men ko me, etto n̄an kiiō, kwar kwaļo̧k wōt kaki. Emaron̄ in mijen eo ekobbā tata. Kwoj āinwōt yeast eo ilo pilawe. …
“Kōmij iakwe eok im jar kōn eok raan otemjej. Buuļ jerbal im kōm̧m̧ani men ko rejim̧we.”
Ke ikar riiti naan ko an, ikar jan̄—kōn būrom̧ōj, jeļā bwe rekar naan ko an āliktata n̄an eō ilo mour in, im n̄an lan̄lōn̄, jeļā kajoor eo aer im jibadbad eo n̄an n̄an. Ikar jeļā bwe mijen eo tok juon aō—aolepān mour eo aō—enaaj kar lukkuun aorōk. Enaaj juon iien an lōke idajon̄jon̄ , im enaaj aikuji aolep men ko ikar ekkatak im en̄jake āinwōt juon mijenede.
Ijeļā bwe Jemedwōj Ilan̄ ewōr juon an karōk em̧wilaļ kar n̄an kōj kajjojo. E emaron̄ kōm̧m̧an bwe iien ko ad ioon laļ in ren aorōk im ej letok māj n̄an ad loe im jeļā An m̧ool. Em̧ōj aō kar lo menin ke ikar ajeļo̧k aō mour n̄an E im kar en̄jake kōjeraam̧m̧an ko An. Im ikar lo menin ke lio pāleeō edeeo̧ im n̄a kar jerbal ippān doon n̄an kajutak juon baam̧le eobrak kōn kōjatdikdik ko, ajri ro, im gospel eo.
Rilo̧mo̧o̧r ekar bōktok n̄an kōm kajoor ilo am kar bukwelōlō, n̄an jeje ko rekwojarjar, n̄an tampel eo, im n̄an ro jet ilo jerbal in jipan̄. Ikar lo pein Irooj an erļok ilo iien ko rekabwilōn̄lōn̄ ilo mour eo aō ke ikar kwaļo̧k gospel eo ippān baam̧le eo aō im ro m̧ōtta.
Mijen eo An ej “n̄an kakūrm̧ool jab wabanban im mour indeeo an armej” (Moses 1:39). Mijen jab in em̧ool ej wōnm̧aanļo̧k wōt