Katak ko Reļam Waan an Gospel eo

Kwaļo̧k Gospel eo an Jisōs Kraist

jiron̄ eo kōn jeje ko rekwojarjar repeļļo̧k ioon neen

N̄e jej ļōmņak kōn kōjeraam̧m̧an ko jej būki kōnke jej membōr in Kabun̄ eo an Jisōs Kraist im Armej ro Rekwojarjar ilo Raan Ko Āliktata, jej kōņaan kwaļo̧k gospel eo ippān ro jej iakwe er. Jemaron̄ kwaļo̧k naan in kam̧ool ko ad kōn m̧ool eo kōn naan ko ad im ad waanjon̄ak. Jemaron̄ jar kōn im̧we n̄an jeļā wōn eo n̄an kwaļo̧k ippān

Jisōs ej kappukōtļo̧k em̧m̧aan eo enan̄inmej

Iakwe Ro Jet

Juon m̧ōttan aorōk an kwaļo̧k gospel eo ej iakwe ro jet. N̄e jej kwaļo̧k ad iakwe n̄an ro jet kōn kōm̧m̧an ko āinwōt an Kraist, jej kwaļo̧k gospel eo an Jisōs Kraist—jet iien ilo an ejjeļo̧k udin juon naan. Im n̄e ro jet rej jeļā bwe jej m̧ool in kea kake er, emaron̄ ļapļo̧k aer peļļo̧k n̄an ron̄jaki ļōmņak ko ad kōn gospel eo. (Lale Gary E. Stevenson, “Iakwe, Kwaļo̧k, Karuwainene,” Liaona, Māe 2022, 84–87.)

Kwaļo̧k ilo Wāween ko Rekkā im Rej Make Waļo̧k

Jemaron̄ kwaļo̧k ta eo jej iakwe kōn gospel eo. N̄e jej kōm̧m̧ane menin āinwōt m̧ōttan mour ko ad raan otemjej, eban apan̄ ak jakoņ. N̄an waanjon̄ak, jemaron̄ kōnono ippān baam̧le eo ad ak ro m̧ōttad kōn ta eo jej kōm̧m̧ane ilo Jabōt. Ak jemaron̄ jiron̄ er kōn m̧ōņōņō eo jej en̄jake n̄e jej jerbal n̄an ro jet. (Lale Dieter F. Uchtdorf, “Jerbal In Mijenede: Kwaļo̧k Ta eo Kwoj Lukkuun Tōmak im En̄jake,” Liaona, Māe 2019, 15–18).

Kajjitōk Ro Jet n̄an Kobatok Ippād

Jemaron̄ kajjitōk ippān ro jet n̄an ekkatak eļapļo̧k kōn gospel eo. N̄an waanjon̄ak, jemaron̄ kajjitōk ippāer n̄an itok n̄an juon kweilo̧k ak m̧akūtkūt an Kabun̄ in, im riiti Bok in Mormon, alooje juon pija in alooj an Kabun̄ in, ak loļo̧k mijenede ro. En̄jake kein remaron̄ jipan̄ er en̄jake Jetōb eo ilo kōņaan ekkatak eļapļo̧k.

ruo kōra rōrūtto rej jijet im kōnono

Kajjitōk kōn En̄jake eo Aer

Ālkin an ro m̧ōttad im ro uwaan baam̧le ao itok n̄an jar ak bōk juon katak ippān mijenede ro, jemaron̄ kajjitōk ippāer kōn en̄jake eo aer. Jet katak ko an gospel eo remaron̄ in kāāl n̄an er, kōn menin jemaron̄ uwaaki kajjitōk ko ewōr aer. Jemaron̄ kwaļo̧k ad iakwe im rejtake kōn kijejeto ko aer n̄an itok n̄an Kraist.

Kobaikļo̧k n̄an Tōmak ko Aer

Jej kaorōk im kautiej tōmak ko an ro jet, im jej kajjeon̄ kobaiktok n̄an tōmak eo ewōr aer kadede. N̄an waanjon̄ak, juon m̧ōttam̧ eo ekar lo aenōm̧m̧an ilo eoon ko an Baibōļ maron̄ barāinwōt lo kaenōm̧m̧an ilo katak ko jej kwaļo̧k jān Bok in Mormon.

jiron̄ ro rej jipan̄ juon lelļap kijoon juon iaļ.

Jipan̄ Membōr ro Rekāāl an Kabun̄ in

N̄e armej rej kobatok ilo Kabun̄ in, jemaron̄ jipan̄ kōkajoorļo̧k tōmak eo aer. Jemaron̄ erom̧ ro m̧ōttaer, uwaaki kajjitōk ko aer, im rejtake er n̄e rej bōk kūr ko. Jemaron̄ kōketak er n̄an wōnm̧aanļo̧k wōt in ļoor Jisōs Kraist im ekaktak kōn gospel eo An.

ruo elder mijenede ro im juon likao rej kalimjōk juon taļboon ippān doon.

Jerbal juon Mijen Edipio

Ilo kakobaba n̄an kwaļo̧k gospel eo ilo mour ko ad aolep raan, ro uwaan Kabun̄ in remaron̄ kūr n̄an jerbal āinwōt juon mijenede ej jerbal aolep raan. Eļan̄n̄e rej pojak, likao ro remaron̄ jerbal ilo 18 iiō dettan. Jiron̄ ro im rūtto ro rōrūtto remaron̄ bar jerbal. Kwomaron̄ lo elōn̄ļo̧k meļeļe ilo ChurchofJesusChrist.org/callings/missionary.

Jān Jeje ko Rekwojarjar

Jisōs Kraist ekar kakiene Rikaļoor ro an n̄an kwaļo̧k gospel eo ippān aolep (lale Mark 16:15).

Ro me raar kūr n̄an jerbal rej aikuj kōm̧m̧ane menin kōn aolepān “būruōmi, ami maron̄, ļōmņak im kajoor” (lale Katak im Bujen ko 4).

Enaaj wōr ad lan̄lōn̄ eļap n̄e jej jipan̄ bōktok ro jet n̄an gospel eo (lale Katak im Bujen ko 18:15–16).

Kein Jipan̄ ko ilo Online

“Ekōjkan aō maron̄ kwaļo̧k Bok in Mormon ippān juon m̧ōtta?” “Ekōjkan aō kobaik eo m̧ōtta ippān mijenede ro?” Men kein im kajjitōk ko jet rej uwaaki ilo ChurchofJesusChrist.org/share.

Gospel Library app eo ilo ChurchofJesusChrist.org ak kōjerbal mobile app eo) ewōr ie juon collection in kein jipan̄ ko barāinwōt, ekoba tōmak ko ad reļem waan. Kāālet “Sharing the Gospel” n̄an ekkatak eļapļo̧k kōn ta eo im ekōjkan kwaļo̧ke.

N̄an ekkatak eļapļo̧k kōn kōkajoorļo̧k membōr kāāl ro, lale ilo “Bok in Bōk Meļeļe im Kūr ko ” innām “Kūr ko an Ward ak Branch.”

Kappukot Eļapļo̧k

Eļan̄n̄e ewōr ami kajjitōk ko kōn kwaļo̧k gospel eo, kwomaron̄ kōnono n̄an m̧aan im kōrā in jerbal in karejar ro am̧, ritōl ro an ward im branch eo am̧, ak mijenede ro.