Itok, Ļoor Eō

Jerbal 2

Ekōjkan Am̧ Mour kōn Katak eo an Kraist?

iaļ eo ej kwalo̧k ļalem eria in katak ko

Kōmeļeļe jān Vicky Scott

Ālkin jiōbtok eo an Jetōb ilo raan in Pentecost eo, Piter im Rijilōk ro jet raar kam̧ool kōn Kraist im kar katakin katak eo An. Armej ro raar “lel būrueir” im kar kajjitōk, “Ta eo kōmin kōm̧m̧ane?” (Jerbal 2:37). Piter ekar kajjitōk ippāer n̄an ukweļo̧k, peptaij, im bōk menin letok eo an Jetōb Kwojarjar (lale Jerbal 2:38). Enan̄in 3,000 armej ro “rej bōk naan eo an [im] peptaij” (Jerbal 2:41).

Kōjerbal katak eo an Kraist ej kepaakeļo̧k kōj n̄an E. Lōmņak in kejokļo̧kjeņ kōn ekōjkan am̧ kōjerbal eria in katak kein ļalem:

1. Tōmak ilo Irooj Jisōs Kraist: Ta imminene ko im m̧akūtkūt ko rej jipan̄ anekaneik tōmak eo am̧ ilo Jisōs Kraist?

2. Ukweļo̧k: Ekōjkan am̧ kōm̧m̧an bwe ukweļo̧k en juon jekjek elem̧ōņōņō?

3. Peptaij: Ta eo kwoj kōm̧m̧ane n̄an mour kōn bujen peptaij eo am̧?

4. Menin Letok eo an Jetōb Kwojarjar: Ta mejatoto ko im m̧akūtkūt ko rej lewaj n̄an eok jekjek eo em̧m̧an tata n̄an im̧we ko an Jetōb?

5. Niknik n̄an jem̧ļo̧kin: Ekōjkan an kōjparok bujen ko am̧, wōr kōjatdikdik ilo Kraist, im dim wōt n̄an aen in dāpdep eo kar jipan̄ eok niknik n̄an jem̧ļo̧kin? Lale Jeremai 17:7; 2 Nipai 31:20; Ether 12:4.

“Ej katak ko an Kraist rej kōm̧m̧an bwe jen maron̄ bōk kajoor eo an jetōb me emaron̄ ļōn̄aj kōj jān mour in jetōb eo jej pād ie kiiō n̄an jon̄an eo jemaron̄ weppānļo̧k āinwōt Rilo̧mo̧o̧r.”

Brother Brian K. Ashton, kar Rikakpilōklōk eo Kein Karuo ilo Būreejtōnji eo Eutiej an Jabōt Jikuuļ, “Katak ko an Kraist,” Liaona, Nob. 2016, 106.