“Mour im Kwaļo̧k Gospel eo,” Liaona, Juļae 2023.
N̄an ro Jinen in Jemen
Mour im Kwaļo̧k Gospel eo
Ro Jinen im Jemen Rejitōnbōro,
Ruo wāween ko jej kwaļo̧k n̄an Anij kam̧m̧oolol ko ad kōn gospel eo rej jān mour kake im kwalo̧ke. Bwebwenato ko ilo māākjin eo an allōn̄ in rej pedped ioon kōm̧m̧an bwe gospel eo an Jisōs Kraist en juon m̧ōttan ekilep an mour ko ad, men̄e kōn kōkajoorļo̧k tōmak eo ilo E, kōm̧mani oktak ko raorōk, ak kajeeded m̧ool ko An ilo aolepān laļ in. Lan̄lōn̄ ej kōttar ro me rej ekkatak im ļoor katak ko an Rilo̧mo̧o̧r im kwaļo̧k ennaan ko An ilo naan in kōm̧m̧an.
Iien Ekōnono ko kōn Gospel
Kwaļo̧k Gospel eo kōn Naan in Kam̧ool
Kajjitōk ippān kajjojo ro uwaan baam̧le eo n̄an kwaļo̧k juon naan in kam̧ool ekadu kōn juon pedped in katak an gospel eo em̧m̧an tata ippān. Kwaļo̧k kout ko kōn jerbal in mijenede jān ennaan eo an Elder Quentin L. Cook ilo peij 4. Ļōmņak kōn pedped ko an gospel eo kwoj kab kwaļo̧k, kajjitōk: Ewōr ke armej ro me jemaron̄ kwaļo̧k pedped in katak kein an gospel eo ippān?
En̄jake Epakeļo̧k Jisōs Kraist
Kajjitōk ippān ajri ro nejūm̧ n̄aat eo rej en̄jake aer epaaketata Jisōs Kraist. Kōm̧m̧ane juon laajrak kōn uwaak ko aer. Kōmeļeļeik m̧akūtkūt ko ļalem in kalōk-tōmak eo an Elder Patricio M. Giuffra (lale peij 42–43). Āinwōt juon baam̧le, ļōmņak in kōm̧m̧ane juon iaan m̧akūtkūt kein me kom̧ij errā bwe emaron̄ kōm̧m̧ane juon oktak ilo m̧weo im̧ōmi. Kōm̧m̧ane juon karōk ippān doon n̄an pedped ioon m̧akūtkūt jab eo allōn̄ in.
Oktak Emaron̄ Tōlļo̧k n̄an Eddōkļo̧k ilo Jetōb.
Oktak, jim̧or ilo kōtmene ak jab kōtmene, ej m̧ōttan en̄jake eo ad ilo mour in. Riiti ennaan eo jān Elder Ciro Schmeil ilo peij 30 kōn kain oktak ko an oktak ko ilo mour ko ad. Ekōjkan an oktak kein jipan̄ kōj eromļo̧k āinwōt Rilo̧mo̧o̧r?
Itok, Ļoor Eō Limo an Baam̧le
Anij ej Iakwe Aolep Ajri ro Nejin
“Anij e jab ļōmņak kōn okōtan armej: A ilo aelōn̄ otemjej eo ej mijak e, im jerbale kwōjarjar, je kabun̄būruon” (Jerbal 10:34–35).
Ritōl Rutiej ro an Kabun̄ in rej itok jān āne ko rooktak jān doon. Kōn jimettan rej itok jān United States. Ro jet rej itok jān Central im South America, Asia, Europe, Africa, Oceania, Mexico, im Canada.
-
Kwomaron̄ ke kwaļo̧k etan juon Rijilōk eo ekar ļotak ilo Europe?
-
Kwomaron̄ ke kwaļo̧k etan juon Rijilōk eo ekar itok jān South America?
-
Kwomaron̄ ke kwaļo̧k etan juon Rjililōk eo ro jinen im jemen raar itok jān Sweden im Finland?
-
Kwomaron̄ ke kwaļo̧k etan juon Rijilōk eo baam̧le eo an ekar lukkuun itok jān China?
Jemaron̄ itok jān jikin ko rooktak jān doon, bōtaab Anij ej iakwe kōj aolep.
Iien ekōnono eo: Ilo wāween ta ko jemaron̄ juon wōt ak oktak jān armej ro jet? Anij ej ke iakwe kōj pedped ioon ekōjkan kōjellid ak ia eo jej itok jān e? Etale bwebwenato eo an Piter im Cornelius loe ilo Jerbal 10. Ta eo rekar ekkatak kōn ekajete ro jet? Ta m̧wil ko rej aorōk n̄an Irooj?