“Unsaon Nako Pagtuo bisan wala Makakita,” Liahona, Hulyo 2023.
Dali, Sunod Kanako
Unsaon Nako Pagtuo bisan wala Makakita?
Detalye gikan sa Christ Appears to the Twelve after the Resurrection [Si Kristo Nagpakita ngadto sa Napulog Duha human sa Pagkabanhaw], ni Scott Snow
Usa sa mga Apostol ni Jesukristo, si Tomas, dili motuo nga nabanhaw si Kristo hangtod nga siya makakita Kaniya sa personal (tan-awa sa Juan 20:25). Sa dihang sa kataposan si Tomas nakakita sa nabanhaw nga Manluluwas, ang Manluluwas misulti kaniya, “Mituo ka ba tungod kay nakakita ka kanako? Bulahan kadtong motuo bisan wala makakita kanako” (Juan 20:29).
Sa unsa nga paagi kita makasunod sa pagdapit ni Jesukristo nga “ayaw na pagpakawalay pagtuo hinuon pagmatinuohon”? (Juan 20:27).
Mga Paagi sa Paglig-on sa Hugot nga Pagtuo ug Pagpamatuod
Pagtuon sa mga kasulatan. “Ang [hugot nga] pagtuo naggikan sa pagpamati sa mensahe ug ang nabati naggikan sa pulong [sa Dios]” (Mga Taga-Roma 10:17).
Mosunod sa ebanghelyo. “Ang buot magbuhat sa gisugo sa Dios mahibalo kon ang akong gitudlo gikan ba sa Dios o nagsulti ba lamang ako sa kaugalingon kong pagbuot” (Juan 7:17).
Pagtinguha og pagpadayag pinaagi sa Espiritu Santo. “Ang kamatuoran nga labing mahinungdanon mamatud-an lamang pinaagi sa pagpadayag gikan sa Dios. Ang atong tawhanong pangatarongan ug ang paggamit sa atong pisikal nga pamalatian [senses] dili gayod igo” (Henry B. Eyring, “Ang Espiritu Santo isip Inyong Kauban,” Liahona, Nob. 2015, 104-105).