Dali, Sunod Kanako

Mga Buhat 11

Unsay Buot Ipasabot nga Mahimong usa ka Kristiyano?

Christ Teaching His Disciples [Si Kristo nga Nagtudlo sa Iyang mga Disipulo], 19th-Century English School, © Look and Learn / Bridgeman Images

Sa basahon sa Mga Buhat atong makat-onan nga ang mga disipulo nga misunod ni Kristo diha sa nahauna nga Simbahan “gitawag nga mga Kristohanon” (Mga Buhat 11:26). Sa samang paagi, ang mga miyembro sa Ang Simbahan ni Jesukristo sa mga Santos sa Ulahing mga Adlaw naningkamot nga mahimong maayo nga mga Kristiyano. Apan unsay buot ipasabot nga mahimong usa ka Kristiyano?

Kini dili usa ka yano nga pamahayag sa tinuohan. Ang pagkahimong usa ka Kristiyano nagkinahanglan og labaw pa kay sa debosyon diha sa ngalan lamang. Si Elder Robert D. Hales (1932–2017) sa Korum sa Napulog Duha ka Apostoles nangutana: “Unsa kita nga matang sa mga Kristiyano? Sa laing pagkasulti, unsa na ang atong tinguha sa pagsunod ni Kristo?”¹

Kristohanon nga mga Hiyas

Si Elder Hales miawhag kanato sa pagtimbang-timbang sa atong pag-uswag sa pagpalambo sa mosunod nga Kristohanon nga mga hiyas:²

• Gugma

• Hugot nga Pagtuo

• Sakripisyo

• Pag-amuma

• Serbisyo

• Pailob

• Kalinaw

• Pagpasaylo

• Pagkakabig

• Paglahutay hangtod sa kataposan

Panaghisgotan

Si Presidente Russell M. Nelson mitudlo nga usa sa atong labing importante nga mga kailhanan mao ang “disipulo ni Jesukristo.”³ Sa unsa nga paagi ang mga tawo makahibalo nga kamo usa ka Kristiyano, o usa ka disipulo ni Jesukristo?

Mubo nga mga Sulat

1. Robert D. Hales, “Mahimong Mas Kristohanon nga Kristiyano,” Liahona, Nob. 2012, 90.

2. Tan-awa sa Robert D. Hales, “Mahimong Mas Kristohanon nga Kristiyano,” 91–92.

3. Russell M. Nelson, “Mga Pagpili alang sa Kahangtoran” (tibuok kalibotan nga debosyonal alang sa mga young adult, Mayo 15, 2022), broadcasts.ChurchofJesusChrist.org.