Nakomai, Iriirai

1 I-Korinto 15

Tera Tokanikai aika Reke Man te Mangauti?

Te Abotoro Bauro e reiakiniia I-Korinto bwa te aekara te rabwata ni mangauti. Rabwatara ana “kautaki n aki mka … n neboaki … [ao] n korakora” (1 I-Korinto 15:42-43). E reiakiniia naba bwa “te mate [ena] ongaki n te tokanikai” (1 I-Korinto 15:54), ma tera iai te tokanikai aio? Taian marooro aika imwina a kona n buokiira n kaotaira iaon taian tokanikai ake a karekeaki man te Mangauti.

He Lives, iroun Simon Dewey

Tokanikai iaon Te Mate n te Rabwata

“Ba aroia aomata, ngkai a bane ni mate iroun Atam, ao ai aroia naba iroun Kristo a na bane ni kamaiuaki.”

1 I-Korinto 15:22

Saints Risen from the Dead at Resurrection of Christ, iroun Del Parson

Reken Te Rabwata ae Kororaoi, Eaki Mamate

“Te tamnei ao te rabwata a na manga ikotaki riki n aroia ae kororaoi; baai ma wae ma toman te rabwata ana manga kaokaki nakon teia ni koaua.”

Aramwa 11:43

When Waiting Is Over, iroun Lars Justinen. raitienti man GoodSalt.com

Te Manga Ikotaki ma Raora ake Ti Tangiriia

“Te mangauti e airi ma te tibwanga n karekean te manga ikotaki ma ara utu. …

… Ngaira n tatabemaniira ti a tia n tang n te mate. … Ti riai n neboa te Atua ibukin kamatooan te mangauti bwa ngaia e kauarerekea te tai n raurenako n rabwata.”

Beretitenti Dallin H. Oaks, Moan Kauntira n te Moan Beretitentii, “Mangauti,” Riaona, Turai 2000, 19.

Marooro

Anganiko koaua aikai te kaantaninga ae korakora ibukin taai aika ana roko? Ko na kanga n tibauai koaua aikai ma naake ana tangiria n kan ongo?