“Tabeakinaia Naake a Kainnano,” Riaona, Tebetembwa 2023.
Boton te Euangkerio
Tabeakinaia Naake a Kainnano
E Kamarurungiia Aoraki aika Mwaiti aika a Kaokoro,, iroun J. Kirk Richards, e tabu katotonganai
Ngkai ngaira kaain Ana Ekaretia Iesu Kristo ibukiia Aika Itiaki ni Boong aika Kaitira, ti iriira ana reirei te Uea n tabeakinaia naake a kainnano. Ti tabeakiniia aomata ngkana ti karaoa te mwakuri n ibuobuoki nakoia, ni buokiia bwa a na toronibwai, ao n tibwauai nakoia ake iai iroura.
Ana Katooto Iesu Kristo
Iesu Kristo e tangiiriia, karaui nanoia, ao man tataro ibukiia ake Irarikina. E “nakonako ni karaoa ae raoiroi” (Makuri 10:38). Ti riai n ira Ana katooto n tangiriia, ni karau nanoia, ao n ibuobuoki, ao n tataro ibukia ake irarikira. Ti kona n tatarai angaa ake tina kona n buokiia iai aomata.
Mwakuri n Ibuobuoki
Te taeka ae mwakuri n ibuobuoki e kabonganaaki ni koroboki aika tabu ao n ana Ekaretia te Uea n kabwarabwaraa arora n tabeakiniira imarenara. Naake a taua te nakoanibonga a tia n mwiokoaki bwa a na mwakuri n ibuobuoki nakoia aomata n tatabemaniia ke utu n te uoote ke mwaanga. A katabeaki aine bwa a na mwakuri n ibuobuoki nakon kakatemanna te aine ae e ikawai. Mmwaane ma aine ake a karaoa te mwakuri n ibuobuoki a na taraia raoi bwa membwa n te Ekaretia ni kabanea a uringaki man tabeakinaki.
Buokaia tabeman bwa na Toronobwai
Ngkana ti buokiia kain ara utu ma raoraora bwa a na toronibwa man kaungaakia bwa a na kakaei aanga ni katokan aia kangaanga aika teimaan. Ti kona n boutokaia inanon aia tai n mwakurii aia kouru. Karekea riki te rongrongo iaon te toronobwai ae bwain Aokati 2023 n te Riaona Gospel Basic article.
Te Beku Ibukiia Tabeman
E mwaiti te anga ae ti kona n beku iai ibukiia ake irarikira ao n buokiia n karekei kainnanoia n rabwata, tamnei, ao aia namakin. Kinaakia raoi aomata e kona n buokiira n ataa arora n beku n ae tamaroa ibukiia. Ti kona naba n tataro ibukin te kairiiri bwa tina kanga n buokiia.
Tibwauaan are Iroura
Ti kona n beku ibukiia tabeman man tibwauaan ake e a tia n kakabwaiaira te Atua ma ngaai. Te katooto, ti kona n anga ae bati bwa ara ara angabwai n aki mamatam ke n anganano nakon Ana Buoka te Ekaretia n te Mwane Ibukiia Aomata. Ti kona naba n beku n ara komiunite ao n weteakira n te Ekaretia.
Tabeia Mataniwi n te Ekaretia
Te bitiobi e tararuaa tabeakinaia ake a kainnano n ana uoote. E kona n kabonganaa te mwane man taian angabwai n aki mamatam ibukin buokaia membwa ake a kainnano. Tabeman taan kairiiri, n raonaki ma ana kautira ao beretitentii n te Bootaki n Aine ao kooram unimwaane, ni buokiia membwa n karekei bwaai are ana kona n kabonganai n katoronibwaia iai.
Mwakuri n ibuobuoki ibukiia aomata nako man te Ekaretia
Te Ekaretia e buokiia aomata ni kabuta te aonaaba n kaekai kainano ake a kataweaki, aia waaki komiunite, ao buroukuraem n aron te ran ae itiaki ao taian iti. Reiakina ae mwaiti riki, taraa Dallin H. Oaks, “Buokaia Kainnano ao Aika a Rawawata,” Riaona,, Nob. 2022, 6–8.