“N na Kanga n Kabebetea Maiu bwa N na Kabotoa iroun Kristo?,” Riaona, Tebetembwa 2023.
Nakomai, Iriirai
N na Kanga n Kabebetea Maiu bwa N na Kabotoa iroun Kristo?
A Bane n Amwarake, iroun Walter Rane; tamnein te kiraati n kabuburai bwaai man Getty Images
Aron iriran ana reirei Bauro ae ena boboto iaon “te raoiroi ma te itiaki are iroun Kristo.”(2 I-Korinto 11:3).
E a tia n rereke iroum ae ko kamangaongaoko n ana euangkerio Iesu Kristo ao e bon aki? Tabetai ti nang kabanea ara tai iaon taraakin tinanikura kee bwaai aika akea nanoia ao ti a namakina te korakai iai.
Kabebetea Kawaim
Unimwaane Dieter F. Uchtdorf e kaota ana iango: “Ngkana ko aki toki n iangoia bwa e na aki nakoraoi te euangkerio ibukim, I kaoko bwa ko na tei, taraa maium man te tabo ae rietaata riki, ao ni kabebetea kawaim n riki bwa ana reirei Kristo. Kabanea am iango iaon reirei, tuua, ao karaoakin te euangkerio. I berita bwa e na kairiko te Atua ao ni kakabwaiako ni kawaim nakon te maiu ae kakukurei, ao e na nakoraoi riki te euangkerio ibukim” (“It Works Wonderfully!,” Riaona, Nob. 2015, 22).
Tera teuana te reirei, te tua, ke te kakamwakuri n te euangerio ae kona n kabanea am tai iai n te wiiki aio?