“Taraa te Atua ibukin Te Kantaninga ao Te Kawai,” Riaona, Tebetembwa 2023.
Ibukiia Kaaro
Taraa te Atua ibukin Te Kantaninga ao Te Kawai
Nakoia Kaaro aika Tangiraki,
Tamara are i Karawa e aki karuoira nako aon te aba ma akea te kairiiri. Rinanon bwaintangira ma ieta n aron koroboki aika tabu, te tataro, burabeti aika maiu, temana ma temana, ao a mwaiti riki, ti kona n taraa te Atua ibukin te kantaninga ao te kawai. Ngkai ko wareka te rongorongo aio n te Riaona, iangoi inanom bwaai n ibuobuokii are E a tia n anganiira bwa buokara n karekea te kantaninga n te maiu aio ao n okirikaaki Nakoina n te maiu are imwiina.
Marooro iaon te Euangkerio
Tabera ae ti Katiteuanaaki iai n Ana Babaire te Atua
N am utu, ko kona n wareka 1 I-Korinto 11:11 ao n maroroakinna bwa tera e nanonaki iai. Tibwauaia taekan ana rongorongo Unimwaane Gerrit W. Gong (iteraniba 4), are e kabwarabwara tabeia aine ao mwaane n ana babaire ni kamaiu. A na kanga kakaokorora n katiteuanaira ao n aki kamaenakoira?
Mwakan ni Kamaiu te Onimaki
Wareka Mataio 15:21-28 n ikotaki, e ngaa iai ae taekan te aine mai Kanaan. Bukin tera n am iango ngkai ana onimaki e karekea kamaiuakin natina? Warekia taekan ana rongorongo Beretitenti Camille N. Johnson n iteraniba 8 n kaotako riki iaon tibwangara n nimamannei ao n onimaki n karekea mwaakan te Uea.
Kauring ni Katoa Bong ibukin Iesu Kristo
Titirakiniia am utu, A kanga n ururinga te Tia Kamaiu inanon maiuia? Warekii mwakorokoron te rongorongo ae kakawaki n iteraniba 38 iaon kakawakin te ururing. Iangoia n katekea kamnein ke taeka n mwengam ae ena kakauringko taekan Kristo.
Nakomai, Iriirai Kaunga ibukin te Utu
Ururingii ana Kakabwaia Kristo ni Katoa Bong
E reireiniia Bauro Aika Itiaki i Korinto: Ba e mate Kristo i bukin ara bure … ao ba e taunaki, ao ba e a manga uti n te kateni bong” (1 I-Korinto 15:3–4). E kaungaia bwa a na “taua bukin te taeka” (1 I-Korinto 15:2) te euangkerio are e a tia n reireiniia. Kaoia am utu bwa a na takakaro n te takakaro n ururing aio:
-
Anganiia ni kabane aia tai bwa a na korea aia reke ae uarereke nakon te titiraki aio: Tera te kakabwaia n te euangkerio ae ko a tia n karekea man ana Mwakuri ni Kamaiu te Tia Kamaiu? (Ibukin iango tabeua, taraa 1 I-Korinto 15:19-29.)
-
Karuoruo n tibwauai bwaai ake kam korei ao n kaokiokia man ami ururing te bwai are e koreia temanna ma temanna imwain ae ko koroboki.
Marooro: Ti na kanga n ururingi kakabwaia are ea tia n anganiira Kristo? Iangoia n karao am babaire n am utu n iangoa te kawai teuana ae e a tia iai Kristo n kakabwaia maium ni katoa bong.