“Si na Ndihmon Trishtimi sipas Perëndisë që të Pendohemi?”, Liahona, shtator 2023.

Eja, Më Ndiq

Si na Ndihmon Trishtimi sipas Perëndisë që të Pendohemi?

Pamja

Jezusi duke përqafuar një burrë

Fotografia nga Mark Mabry

Apostulli Pal na mësoi: “Trishtimi sipas Perëndisë … sjell pendim për shpëtim … por trishtimi i botës shkakton vdekje” (2 Korintasve 7:10). Ne mund të ndiejmë trishtim sipas botës, turp dhe shkurajim kur mëkatojmë. Prapëseprapë kur kthehemi te Shpëtimtari për t’u penduar, ne e ftojmë Atë që të na e shndërrojë zemrën dhe të na e kthejë trishtimin në gëzim (shih tek Alma 36:18–20).

Trishtimi sipas Perëndisë dhe Pendimi i Vërtetë

Kur ndiejmë trishtim sipas Perëndisë, ne i dallojmë gabimet tona dhe dëshirojmë të bëjmë më mirë. Ne ndiejmë shpresë për të ardhmen – dhe ndiejmë dashurinë e Shpëtimtarit për ne.

Merrni parasysh këto pyetje teksa studioni 2 Korintasve 7:

Çfarë do të thotë kur ne u “trishtua[m] për pendim”? (Vargu 9.)
Çfarë veprimesh ndërmarrim kur ndiejmë trishtim sipas Perëndisë? (Shih te vargjet 10–11).

Trishtimi sipas Botës kundrejt Trishtimit sipas Perëndisë

“Trishtimi [sipas] botës na tërheq poshtë, na e shuan shpresën dhe na bind t’i dorëzohemi tundimit të mëtejshëm.

Trishtimi sipas Perëndisë çon në kthim në besim dhe në ndryshim të zemrës. Ai bën që ne ta urrejmë mëkatin dhe ta duam mirësinë. Na nxit që të ngrihemi në këmbë dhe të ecim në dritën e dashurisë së Krishtit. Pendimi i vërtetë ka të bëjë me shndërrimin, jo me torturimin apo mundimin. Po, keqardhja e ndier dhe brejtja e vërtetë e ndërgjegjes për mosbindjen, shpesh, janë hapa të dhembshëm e shumë të rëndësishëm në procesin e shenjtë të pendimit. Por kur faji na çon në neveritje të vetes ose na pengon të çohemi sërish, ai bëhet pengesë në vend që të japë shtysë për pendimin tonë.”

Plaku Diter F. Uhtdorf, i Kuorumit të Dymbëdhjetë Apostujve, “Ti Mund t’ia Dalësh Tani!”, Liahona, nëntor 2013, f. 56.