“?Olsem Wanem Nao Yumi Harem Nogud Be Yumi Lukluk long God, I Helpem Yumi blong Sakem Sin?,” Liahona, Septemba 2023.

Kam Folem Mi

?Olsem Wanem Nao Yumi Harem Nogud Be Yumi Lukluk long God, I Helpem Yumi blong Sakem Sin?

Aposol Pol i tijim se, “Taem we man i harem nogud be i luk long God, hemia i save mekem man i tanem tingting blong hem from ol sin blong hem, mo hemia i rod blong God i sevem man. Hemia i samting blong glad … be taem we man i harem nogud be i luk long wol nomo, hemia i rod blong ded” (2 Korin 7:10). Bae yumi save filim harem nogud blong ol, sem, mo tingting i kam slak taem yumi mekem sin. Be yet, taem yumi tanem yumi i go long Sevya blong sakem sin, yumi invaetem Hem blong jenisim hat blong yumi mo tanem harem nogud blong yumi i kam glad (luk long Alma 36:18–20).

Taem Man I Harem Nogud Mo I Luk long God mo Tru Fasin blong Sakem Sin

Taem yumi harem nogud mo luk long God, yumi luksave ol mistek blong yumi mo wantem blong mekem moa gud. Yumi filim hop blong fiuja—mo filim lav blong Sevya long yumi.

Tingting long ol kwestin ia taem yu stadi 2 Korin 7:

?Wanem i minim taem yumi “harem nogud, [yumi] tanem tingting blong [yumi] from ol sin blong [yumi]”? (ves 9).
?Wanem aksen yumi mekem taem yumi harem nogud mo lukluk long God? (luk long ves 10–11).

Harem Nogud blong Wol fesem. Harem Nogud mo Luk long God

“Harem nogud blong wol i pulum yumi i godaon, i stopem hop, mo i pulum tingting blong yumi i go moa from temtesen.

“Taem yumi harem nogud mo luk long God i lid yumi i go long fasin blong konvet mo wan jenis blong hat. I mekem yumi no laekem sin mo lavem ol samting we oli gud. I leftemap tingting blong yumi blong stanap mo wokbaot long laet blong lav blong Kraes. Tru fasin blong sakem sin i moa abaot fasin blong jenisim man, i no blong fosem strong o mekem man i safa from. Yes, be man i rigret tru mo sem from we hem i no obei, oltaem ol step long tabu proses blong sakem sin oli soa mo impoten tumas. Be taem sem i lidim yumi blong no laekem yumiwan o stopem yumi blong girap bakegen, hemia i stap holem yumi bitim blong sapotem yumi long rod blong sakem sin.

Elda Dieter F. Uchtdorf blong Kworom blong Olgeta Twelef Aposol, “!Yu Save Mekem Naoia!,” Liahona, Novemba 2013, 56.