“Olsem Wanem Nao Mi Mekem Laef blong Mi I Kam Simpol blong Lukluk Nomo long Kraes?,” Liahona, Septemba 2023.
Kam Folem Mi
?Olsem Wanem Nao Mi Mekem Laef blong Mi I Kam Simpol blong Lukluk Nomo long Kraes?
Oli Bin Kam Fulap, i kam long Walter Rane; foto blong spaeglas i kam long Getty Images
Aposol Pol i tijim yumi blong lukluk nomo “blong kam fri tru long Kraes” (2 Korin 11:3).
?Yu bin faenemaot long yuwan se yu stap mekem gospel blong Jisas Kraes i kam moa had bitim we i stap? Samtaem yumi lukluk tumas aotsaed blong yumi o long ol smosmol ditel blong evri samting mekem se yumi stat blong filim se yumi no inaf.
Mekem Wei Blong Yu I Simpol Moa
Presiden Dieter F. Uchtdorf blong Kworom blong Olgeta Twelef Aposol i givim tingting ia: “Sapos yu ting se gospel ia i no wok gud long yu, mi invaetem yu blong tekem wan step i gobak biaen, stap long hae plen mo lukluk i go long laef blong yu, mo mekem wok blong yu olsem disaepol i simpol moa. Lukluk nomo long ol stamba doktrin, prinsipol, mo laef folem gospel. Mi promesem se God bae i lidim mo blesem yu long rod blong laef blong yu kasem en, yes, gospel bae i wok moa gud long yu” (“It Works Wonderfully!,” Liahona, Novemba 2015, 22).
?Wanem i stamba doktrin, prinsipol o wanem blong yusum blong gospel we bae yu save lukluk nomo long hem long wik ia?