?Long Wanem Wei Nao Yumi Save Mekem Kongregesen blong Yumi Oli Wok Wan Moa? Liahona, Septemba 2023, 44.
Kam Folem Mi
?Long Wanem Wei Nao Yumi Save Mekem Kongregesen blong Yumi Oli Wok Wan Moa?
Ol foto i kam long Vicky Scott
Pol i harem se i gat fasin blong seperet long medel blong ol memba blong Jos long siti blong Korin (luk long 1 Korin 11:18). Blong ansa long olgeta, hem i talem long olgeta long wan leta “se ol haf blong bodi blong yumi oli no save seraot [long bodi blong Jos]. Evri haf blong bodi [ol memba blong Jos] oli mas lukaot gud blong givhan long ol narafala haf blong hem” (1 Korin 12:25).
Yumi save soem “semmak kea ia long yumi wanwan” tru long ol aksen blong tingting faswan long ol nara man blong lavem mo gat jareti. Pol i tokbaot sam wei we yumi save mekem hemia blong mekem ol rilesensip blong yumi oli kam wan moa.
Glad wetem mo harem nogud wetem ol narawan.
“Sipos wan haf blong bodi blong mi i harem nogud, be bambae olgeta bodi blong mi i mas harem nogud. Sipos man i presem wan haf blong bodi blong mi, be bambae olgeta bodi blong mi i mas harem gud.” (1 Korin 12:26)
Mekem ol aksen blong wantem givim seves fastaem long ol narawan.
“I nogud man i stap lukaot rod we i save givhan long hem nomo. Yumi mas lukaot rod we i save givhan long ol narafala man tu we oli stap raonabaot long yumi” (Josef Smit Translesen, 1 Korin 10:24 [long 1 Korin 10:24, futnot b]).
Mekem ol testemoni blong yumi long Sevya oli kam wan.
“Oltaem yumi tekem wan bred nomo, mo yumi evriwan i kakae bred ya, mo from samting ya, nating we yumi plante, be yumi evriwan i olsem wan bodi nomo [blong Kraes]” (1 Korin 10:17).
Lavem evriwan.
“Yufala i no mas mekem we bambae ol laen blong Isrel, no olgeta we oli no laen blong Isrel, no ol man blong jos blong God oli save trabol long fasin blong yufala” (1 Korin 10:32).