“Lukluk long God from Stamba Tingting mo Daereksen,” Liahona, Septemba 2023.
Blong Ol Papa mo Mama
Lukluk long God from Stamba Tingting mo Daereksen
Ol Dia Papa mo Mama,
Papa long Heven i no sendem yumi i kam long wol ia mo no givim daereksen. Tru long ol tabu presen blong ol skripja, prea, laef folem ol profet, tru wanwan long yumi, mo sam moa, yumi save lukluk long God from stamba tingting mo daereksen. Taem yu ridim magasin ia blong Liahona, tingting hevi long ol risos we Hem i bin givim long yumi blong helpem yumi gat mining long laef ia mo gobak long Hem long nekis laef.
Ol Toktok Raon blong Gospel
Spesel Rol blong Yu insaed long Plan blong God
Olsem wan famli, yu save ridim 1 Korin 11:11 mo toktok raon long wanem i minim. Serem toktok ia long atikol blong Elda Gerrit W. long(pej 4), we i eksplenem rol blong man mo woman we i joen long plan blong fasin blong sevem man. ?Long wanem wei nao ol wiknes blong yumi oli save mekem yumi kam wan be i no blong seraotem yumi?
Hiling Paoa blong Fet
Ridim tugeta, Matiu 15:21–28 we i tokbaot woman long Kenan. ?Wanem nao yu ting se i mekem fet blong hem i lidim hem blong kasem hiling blong gel blong hem? Ridim ol sentens ia long atikol blong Presiden Camille N. Jonson long pej 8 blong andastanem moa gud rol blong fasin blong no stap flas mo fet blong save kasem paoa blong Lod.
Ol Evri Samting blong Rimaenem Yumi abaot Jisas Kraes
Askem famli blong yu, ?olsem wanem nao yu tingbaot Sevya long laef blong yu? Ridim ol ki pat long atikol long pej 38 abaot hamas i impoten blong stap tingbaot samting. Tingting blong putum long wol blong haos blong yu wan pikja o ol kwot we oli stap rimaenem yu abaot Kraes.
Kam Folem Mi Hapi Famli Taem
Tingbaot Ol Blesing blong Kraes Evri Dei
Pol i bin tijim Ol Sent long Korin se: “Kraes i ded blong tekemaot ol sin blong yumi, … Olgeta oli berem hem. Mo long nambatri dei blong hem, hem i laef bakegen” (1 Korin 15:3–4). Hem i leftemap tingting blong olgeta blong “bilif strong long gud nius ya” (1 Korin 15:2) we hem i bin tijim long olgeta. Invaetem famli blong yu blong plei long gem ia blong memori:
-
Givim taem long wanwan blong raetemdaon wan sot ansa long ol kwestin ia: ?Wanem i wan blesing blong gospel we yu glad long hem from Atonmen blong Sevya? (Blong kasem sam aedia, luk long 1 Korin 15:19–29.)
-
Askem evri wan blong gat janis blong serem wanem yu raetem mo ripitim tru long memori wanem we man ia we i kam fastaem long yu i raetem.
Samting blong Toktok raon long olgeta: ?Long wanem wei nao bae yumi save tingbaot moa gud ol blesing we Kraes i bin givim long yumi? Tingting blong mekem wan plan blong famli blong oli tingting long wan wei, evri dei, se Jisas Kraes i bin blesem laef blong olgeta.