“Bae Yu Wantem blong Save Moa?,” Liahona, Septemba 2023.
Ol Voes blong Ol Lata–dei Sent
?Bae Yu Wantem blong Save Moa?
Wan long olgeta we mifala i stap wan ples, we i kasem ten, i defren, mekem se mi askem hem from wanem olsem.
Man we i raet i kasem baptaes tru long Thomas Salisbury long Sông Bé Lake, Vietnam.
Hem we i raet i glad blong givim pikja ia
Mi joenem Yunaeted Stet Ami blong wan tri yia trening blong tri yia, mo kam long Saot Vietnam long 20 betdei blong mi. Afta we eit manis i pas, oli givim asaenmen long mi blong go long not wes blong Saikon. Taem mi stap long ples ia, kwiktaem mi luksave se i gat wan aot long olgeta ten we mifala i stap wanples, Thomas Salisbury, i defren long ol narawan.
Wanem we i defren ia i tajem hat blong mi tumas mekem se mi askem, “?Tom from wanem yu defren long ol narawan?”
Hem i ansa, “From se, mi wan Lata-dei Sent.”
“?Wanem i wan Lata-dei Sent?” Mi askem.
Hem i arenjem blong mi mitim hem mo Harold Lewis, wan misinari we i kambak finis long haos we hem i bin stap givim seves olsem wan asisten pris blong yunit. Long fastaem we mifala i mit long wan tenet we oli yusum olsem wan smol japel mi agri se sapos i tru se mi bilivim wanem we tufala i stap talem, bae mi save kasem baptaes. Mo tu, mi kasem wan kopi blong Buk blong Momon we mi putum insaed long ol bigfala paket blong ami traoses blong mi mo ridim taem mi gat fri taem.
I gat sam storian afta long taem ia, mo mi faenemaot se wanwan lesen i ansarem ol kwestin we mi bin gat long taem we mi bin stap lukaotem trutok. Be taem Tom mo Harold i askem sapos mi wantem baptaes, mi se no. Mi no save olsem wanem bae mi obei long evri komanmen we oli bin tijim long mi.
Afta we mifala i atendem wan distrik konfrens long Saigon, mo go long Ostrelia blong wan wik spel, mo spel gud long ol wari. Taem mi stap long ples ia, mi stat blong luksave hamas ol tijing blong gospel oli impoten mo oli gat paoa long mi. Long rod blong mi i gobak long Vietnam, kwiktaem mi anaonsem long Tom se mi wantem blong kasem baptaes.
I no longtaem i pas, Tom i baptaesem mi long Sông Bé Lake, Harold i mekem konfemesen blong mi olsem wan memba blong Jos, mo Timothy Hill, Jos grup lida blong mifala, i odenem mi olsem wan dikon.
Taem mi gobak long Yunaeted Stet sikis wik afta, mi introdiusum gospel long gelfren blong mi, we afta i kam waef blong mi. Hem i akseptem mesej blong gospel we i gat bigfala hop.
Bae mi neva stop blong talem tangkyu se Tom i askem long mi sapos mi wantem blong save moa. Eksampol blong hem mo invitesen blong hem i ansarem filing blong mi longtaem ia we mi wantem blong faenem trutok mo glad long ol blesing blong gospel.