Ang Simbahan Mipahibalo sa Pagbag-o sa mga Himno

Ang Simbahan ni Jesukristo sa mga Santos sa Ulahing mga Adlaw bag-ohay lang nagplano sa pagpagawas sa Mga Himno—alang sa Panimalay ug sa Simbahan sa Iningles, Spanish, Portuguese, ug French sa kataposan sa 2026, uban sa ubang mga pinulongan nga mosunod.

Ang bag-ong libro sa himno adunay sulod tali sa 450 ngadto sa 500 ka himno ug mga awit sa mga bata. Hangtod 50 ka pinulongan ang imantala inigka 2030. Kini nagpasabot nga ang mga kongregasyon sa mga Santos sa Ulahing mga Adlaw sa tibuok kalibotan mosimba gamit ang samang gitingob ug gihiusa nga libro sa himno, gipareha ang numero sa tanang pinulongan nga labing gipamulong diha sa Simbahan.

Sa kasamtangan, ang Simbahan mopagawas og bag-ong mga kanta diha sa digital sugod sa unang katunga sa 2024. Kini mahimong magamit nga kaubang mga himno ug mga kanta sa kasamtangan nga gimantala nga libro sa himno ug songbook sa Simbahan. Kini maglakip sa gimahal pag-ayo nga musika nga gihimo sa Simbahan human sa 1985 (sama sa “Faith in Every Footstep” [Hugot nga Pagtuo sa Matag Lakang]), musika nga hinulaman gikan sa ubang relihiyon, ug pipila sa 17,000 ka bag-ong kanta nga gisumiter sa mga miyembro sa Simbahan. Daghan, kon dili tanan, niining bag-o nga mga kanta nga isayo sa pagpagawas sa digital ibutang unya ngadto sa Mga Himno—alang sa Panimalay ug sa Simbahan.