“Unsa ang Nakapahimo sa mga Kasulatan nga ‘Mahinungdanon ang Bili’?,” Liahona, Ene. 2024.
Dali, Sunod Kanako
Unsa ang Nakapahimo sa mga Kasulatan nga “Mahinungdanon ang Bili”?
Ang mga kasulatan “mahinungdanon ang bili” (1 Nephi 5:21) ngadto sa pamilya ni Lehi. Kini importante kaayo nga ang Ginoo misugo sa mga anak nga lalaki ni Lehi nga mobiyahe balik ngadto sa Jerusalem aron kuhaon ang mga palid nga tumbaga (tan-awa sa 1 Nephi 3:2–5), usa ka buluhaton diin ilang girisgo ang ilang kinabuhi. Ang mga kasulatan (labi na ang Basahon ni Mormon) ingon usab ka importante alang kanato karon. Naghunahuna ba kamo bag-ohay lang kon ngano?
|
Unsa ang nahatag sa mga palid nga tumbaga sa pamilya ni Lehi? |
Unsa ang nahatag sa Basahon ni Mormon kanato karon? |
|
Mga pulong sa mga propeta (1 Nephi 3:20) |
Usa ka pundasyon alang sa pagpamatuod bahin ni Joseph Smith, sa Pagpahiuli, ug sa buhing mga propeta (pasiuna sa Basahon ni Mormon) |
|
Usa ka asoy bahin sa Paglalang ug ni Adan ug ni Eva (1 Nephi 5:11) |
Doktrina sa pagpatin-aw mahitungod sa plano sa kaluwasan (2 Nephi 2; Alma 12; 34) |
|
Ang balaod ni Moises (1 Nephi 4:15–16) ug ubang mga sugo (1 Nephi 5:21) |
Ang doktrina ni Kristo ug ubang mga sugo (2 Nephi 31; 3 Nephi 11; 27) |
|
Usa ka rekord bahin sa mga Judeo ug sa ilang pagsaksi kang Kristo (1 Nephi 5:12) |
Dugang nga mga saksi ni Kristo gikan sa Iyang “lain nga karnero” (3 Nephi 15:21–24) |
|
Usa ka rekord nga nagpreserbar sa pinulongan sa ilang mga amahan (1 Nephi 3:19) ug sa ilang kagikan (1 Nephi 5:14) |
Usa ka rekord nga makatabang nato sa pagpundok sa nagkatibulaag nga Israel (3 Nephi 21:6–7) |