Te Rongorongo n te Itita man te Moan Beretitentii

Ma Ngaia Aio Bukin Ae I Roko Iai,, iroun Yongsung Kim, kariaia man Havenlight

N tain te Itita aei, ti kaoko bwa ko na iangoa raoi ana mwakuri n anga karea ni kamaiu ao Mangautina ae mimitong, are e kakabwaiaira ngaira ni kabane.

Rinanon ara tia Kabooi Maiura, ae Iesu Kristo, ti karekea rongorongon te kaantaninga aei: “Ami b’ai i aon te aba te rawawata: ma kam na kabebetei nanomi; I a tia ni kataea ana kai te aba” (Ioane 16:33). E berita te Tia Kamaiu bwa ngkai ti kawakin Ana tua ao otenanti, ti na karekea “te rau n te aonaaba aei, ao te maiu ae akea tokina n te aonnaba ae na roko” (Reirei ao Berita aika Tabu 59:23).

Ti kakoauaa bwa e maiu Iesu Kristo! “E a uti” (Mataio 28:6). Bwa Ibukina, ti konaa ni kairaki ao ni kakorakoraaki ngkai ti tokanikai ni kangaanga ake ti kaaitarai n te maiu ae mamate aei. Rinanon ara onimaki n ana mwakuri n anga karea ni kamaiu te tia Kamaiu, kabaebae n te bure e aki konaa n tauira ao karawawata are ti rinanona n te maiu aei bon akea korakorana n reitinako i aora. “E anaaki kammarakin te mate iroun Kristo.” (Mosiah 16:8).

Te Moan Beretitentii