Nakomai, Iriirai

2 Nibwaai 28

E Na Kanga Rikiu n Tia Raoi ni Buokai ni Bobota Iteraera?

E nooria Nibwaai bwa ana kaaitara i marenaia aomata ni boong aika kaitira (taraa 2 Nibwaai 28:3–4, 20), ma bon tiaki ana kawai te Uea te itabaraaraa. N koauana, bobotan Iteraera ti riai ni karekei kawai aika a “rietaata ao n tabu riki”¹ n reitakira ma tabeman.

E reirei Beretitenti Russell M. Nelson: “Ngkana iai raoi nanom ni buoka ikotan Iteraera ao ni karikirakea te reitaki are e na teimatoa n akea tokina, ngkai te tai ni katinanikui itabaraara. Ngkai ai bon te tai ni katoka kairoroan ae e na karaoaki are nanou ao akea riki. Ngkai ai bon te tai ni katoki karaoan bwaai ake a na karikiia tabeman n rang ni karaurau n te bwai ae a na taekinna bwa a maaku bwa rimwi a na kauniko. Ngkai ai bon te tai n tauni ami bwai ni buaka. Ngkana e kaonaki am taetae ma taeka ni kabwainrang ao n taetae ni kabuakaka, ngkai ai bon te tai ae ko nang kaaki. Ko na teirake bwa te mwaane ao te aine ae korakora tamneina iroun Kristo.”²

A tangiriia natin te Atua ni kabane Tamara are i Karawa ao Iesu Kristo n aki tarai kakaokoroia. E kataia Tatan ni kabonganai kakaokorora ni kamaenakoira, ma n rineakin te rau nakon te itabaraaraa, ti na karekea te bubutimwaai are e na karokoia aomata nakon ana euangkerio te Uea are e a tia ni kaokaki.

Iangoa te bwai ae riki aei ao iangoi kawai ae ko konaa ni kaeka nako iai ma te tangira:

Ngkana e anaaki nanom n ana nonori te tautaeka, ko na kanga ni karekea te atatai ae korakora n am marooro ma ake a tia ni kaaitara am taratara?

Ngkana a aki nakoraoi i marenaia am utu, kona kangaa ni uota te rau n te tangira ao ni butimwaeia?

Ngkana ko namakina te un n te bwai ae ko warekia i aon bwaai n reitaki n te intanete, tera ae ko konaa ni karaoia n totokoa te kakauntaeka?

Bwaai Aika a na Taraaki

1. D. Todd Christofferson, “Teuana iroun Kristo,” Riaona, Meei 2023, 78.

2. Russell M. Nelson, “A kainnanoaki Taan Raoi,” Riaona, Meei 2023, 101.