Tera Koaua Ae Reireiniira 1 Nibwaai ao 2 Nibwaai ibukin Iesu?,” Riaona, Maati 2024.
Nakomai, Iriirai
Tera Koaua Ae Reireiniira 1 Nibwaai ao 2 Nibwaai ibukin Iesu Kristo?
E taku Nibwaai n kabanean ana koroboki “Ao ngkana kam kakoaua Kristo ao e na reke kakoauan taeka aikai iroumi, bwa bon ana taeka Kristo” (2 Nephi 33:10). A bati koaua ibukin anuan te Tia Kamaiu, maiuna, ao ana Mwakuri ni Kamaiu ake a kuneaki n ana Boki Moomon are ti kamatebwaia n te ririki aei.
Nakomai Nakoiu, iroun Eva Timothy
Bannan Kristo
-
E kaonaki n te nanorinano, akoi ao te taotaonakinnano ae korakora (taraa 1 Nibwaai 19:9).
-
E na ururingira n taainako (taraa 1 Nibwaai 21:14–16).
-
E kaoira ni kabane bwa ti na Nakoina (taraa 2 Nibwaai 26: 24, 33).
Te Oota ao te Koaua,, iroun Simon Dewey
Ana Mwakuri Kristo
-
E reireia Ana euangkerio ao e kamaiuiia aoraki (taraa 1 Nibwaai 11:24, 27–31).
-
E kaota te banna n ongotaeka man bwabetitoakina (taraa 1 Nibwaai 10:9; 2 Nibwaai 31:7–12).
-
E tauraki, nneaki n te nne ni mate, kawariia Nibwaaite i mwiin Mangautina (taraa 1 Nibwaai 19:10–11; 2 Nibwaai 26:1).
Taurakin Iesu, aki ataaki ae koreia
Ana Mwakuri ni Kamaiu Kristo
-
E kabooira rinanon Ana Mwakuri n Anga karea (taraa 2 Nibwaai 2:6–7).
-
E karaoa te “mwakuri ni kamaiu ae akea tiana” are e tokanikai i aon te mate n rabwata ao n tamnei (2 Nibwaai 9:5–22).
-
E kona ni kakorakoraira ngkana ti karekea ara onimaki i Rouna ao n raira nanora (taraa 2 Nibwai 31:13).