Nakomai, Iriirai

Itita

N na Kanga ni Karina Ana Boki Moomon i nanon Kakaraoan Au Itita?

Kaotin Kristo n te Aonaaba are i Maeao,, iroun Arnold Friberg

E katauraoa te kakoaua ae korakora Ana Boki Moomon ni koauan mangautin te Uea, Iesu Kristo. “Ngaira Aika Itiaki ni Boong aika Kaitira ti kabaeaki ma te bwain tangira ae rangi ni tamaroa … ana Boki Moomon.”¹

E reirei Unimwaane Russell M. Nelson, “Bukina raoi ngkai ti bukamarua te Kiritimati bon ibukin te Itita.”² N aroia utu ni katamneia karakinan te Kiritimati man Ruka 2 n tain te Kiritimati, a kona am utu ni kabongana karaoan te waaki ni bukamarua mangautin te tia Kamaiu n te Itita ni kabonganaa 3 Nibwaai 11:1–17. Kuuna ake a irekereke ma kiibu ake a rineaki, ko kona naba ni rinei kuuna n taromauri ake mamaten nanom ibukin Iesu Kristo.

Waaki ni Kakukurei

Bootaki ma kaain am utu ke bon iroum, n wareka, ao n anenea taekan rokon Iesu Kirsto nakoia Nibwaaite i mwiiin Mangautina.

Wareware	Kakauongo ke Anene
3 Nibwaai 11:1–7	“This Is My Beloved Son,” kiibu 2, Aia Boki n Anene Ataei, 76.
3 Nibwaai 11:8–15	“Did Jesus Really Live Again?,” Aia Boki n Anene Ataei, 64.
3 Nibwaai 11:16–17	“Easter Hosanna,” Aia Boki n Anene Ataei, 68–69.

I kaoko bwa kona taraa ana Boki Moomon ni kabooua taraakina ao ni iangoa te kakoaua ae kakawaki are anga koauan utin Kristo ao kakawakin ao mwaitin ana reirei Kristo.”

Unimwaane Gary E. Stevenson man te Kooram n Abotoro n te Tengaun ma Uoman, “Te Kabanea ni Kakaongora ni Karaki n te Itita,” Riaona, Meei 2023, 8.

Bwaai Aika a na Taraaki

1. Gary E. Stevenson, “Te Karaki ae Tuai man Kakarakinaki Mai Mwaaina,” Riaona, Meei 2023, 7.

2. Russell M. Nelson, “Te Kaeka n Taainako Bon Iesu Kristo,” Riaona, Meei 2023, 127.