E a Roko Ikai te Ekaretia

Jakarta, Indonesia

Onoman moan mitinare ake a roko i Indoneisa n 1970 a bwabetitoia moan membwa, a barongaa kaain te moan bootaki n taromauri, ao ni moana karaoan kinaakin ana Ekaretia Iesu Kristo ibukiia Aika Itiaki ni Boong aika Kaitira. A bati riki bootaki n taromauri aika a tei, ao aobitin te mition e kateaki i Jakarta n 1975. N te bong aei, te Ekaretia i Indonesia iai:

• 7,560 membwa (katautauaki)

• 2 titeiki, 24 uoote ao mwaanga, 1 te mition

• 1 te tembora ae katanoataki (Jakarta)

Katauraoi ibukin te Tembora

Wintolos mai Tangerang, Indonesia, a kabaeaki bwa utu n te tembora i Manila Philippines n 2010. E taku Titita Wintolo, “Ti rangi ni kukurei ngke e katanoataa ara burabeti ae tangiraki bwa e na reke te tembora i Indonesia. Ti na teimatoa n tataro ao ni katauraoira i mwaain rokon ana auti te Uea i abara.”

Kariaia n te taamnei n aia utu Wintolo

Rongorongo riki ibukin te Ekaretia iaon Indonesia

• N te 1815 rebwetauan te warekano i Indonesia iai mwiina nakon Kaokan te euangkerio. E kabwarabwaraa Unimwaane Quentin L. Cook.

• Te kairake mai Indoneisa “e karekea” te reirei n te kaantaninga.

• E kukurei nanon te Beretitenti ngkoa n te Bootaki n Aine ae Linda K. Burton man aia onimaki ainen Indonesia.

• Te tia koro karai mai Idoneis e tibwai 10 kanikinaa bwa ko a rairaki raoi ni koaua nakon ana euangkerio Iesu Kristo.

• A tauraoi ngkai Ana Boki Moomon, Reirei ao Berita aika Tabu, ao Bwaeao ae Bati Boona ni bootaki n teuana te boki n te taetae n Indonesia n 2010.

A butimwaeia aomata n te kawai mitinare.

A bootaki ataein te Moanrinan n anene i Tangerang, Indonesia.

A bootaki ni kakukurei i tinaniku te utu.

A kaboui aia berita n te bwabetito membwa man kanakin te toa i Tangerang, Indonesia.