“Ti Tataekina Kristo,” Riaona, Maati 2024.
Ibukiia Kaaro
Ti Tataekina Kristo
Placeholder credit line
Nakoia Kaaro aika a Tangiraki,
E reireiniia ana botanaomata Nibwaai kaakawakin te Uea bwa e na memena i moan maiura. E koreia, “Ti kaakarabakauakina Kristo, ao ti kimwareirei iroun Kristo, ao ti tataekina Kristo, ao ti taetae ni burabeti ibukin Kristo, ao ti koroi kanoan ara taeka ni burabeti bwa natira a na ataia bwa antai ae a na kawaria ibukin kamaunan aia bure” (2 Nibwaai 25:26). Ko konaa n rinanon rongorongo aika i mwiina ma am utu ni kaotia nakoia ao aomata tabeman bwa ko tangira ana euangkerio Iesu Kristo, Ana kairiiri, ao reirei aika a karekea te wanawana are e na kona ni buokira n ukora Iesu Kristo n te aonaaba ae ngkai ae katabetabe ni waaki aika a bati.
Marooro iaon te Euangkerio
Ana Euangkerio Iesu Kristo bon ibukiia Aomata ni Kabane
A bane aomata ni kainnanoa te kaantaninga ao kaboan te maiu are e katauraoaki n ana euangkerio Iesu Kristo n ana Mwakuri ni Kamaiu. Marooroakinna ma kaain am utu tabeman taekan reirei man ana rongorongo Unimwaane Jeffrey R. Holland bwa ko na kanga n tangira, tibwatibwa, ao ni kaoa temanna bwa e na karekea ao ni kukurei n ana euangkerio Iesu Kristo (taraa iteraniba 4).
Reirei Aika a Tamaroa ibukin Kabonganaan Bwaai ni Kaongora
Bwaai n rabakau aika boou ao bwaai ni kaongora bon bwaai ni mwakuri aika ibuobuoki ngkana ti kabongana raoi. Rinanon tabeua kairan reirei n iteraniba 22 ao marooro iaon aia kainibaire am utu ibukin kabonganaan bwaai ni kaongora. Man kabonganaan “titiraki aika a na iangoaki raoi,” baireia bwa tera ae nakoraoi ao tera ae riai ni kanakoraoaki.
Iriirakin te Tia Kamaiu n te Onimaki
N ana rongorongo Unimwaane Benjamin M. Z. Tai n iteraniba 40, e tibwai aua kawai are e konaa ni buokira iai te Tia Kamaiu. I mwiin rinanoan aio ma am utu, marooro bwa ko kanga n tia ni buokaki ngke ko a tia n iriira te tia Kamaiu n te onimaki.