“Kaaina Ngkoe,” Riaona, Maati 2024.
Kairake n Ikawai
Kaaina Ngkoe
Ti konaa ni kunea ara namakin ni bwaibwai ngkai ti karikirakea te reitaki ae koaua ma Tamara are i Karawa ao Iesu Kristo.
Taekana man Glory in Degrees, iroun Annie Henrie Nader
Ti bungiaki ngaira ma kainanoan arora ni bwaibwai. Ti kainanoa te bwaibwai anne n ara bobotaki nako ma ara utu, raoraora, raora ni mwakuri, uoote, ao aomata tabeman ni maiura. A kaman ingainga nanora ibukin karekean te bwaibwai anne aika a nano ao n tiku iai.
Ngkoe ma Ngai ngkoa—ao ngkai—bon kaain te utu ae akea tokina ma Tamara are i Karawa, i mwaain rokora n te aonaaba. A kabwarabwara nakoira koroboki aika a tabu bwa “iruwa ao aomata aika nang aki kamaania i aon te aba” (Ebera 11:13; Reirei ao Berita aika Tabu 45:13). Ni kitanan mweengara i karawa ao rokora nakon te aonaaba ae onrake n te mangaongao, maroaa, ao maraki n nano, ti kona n namakina iai bwa kanga ai aroia taan tiotionako aika a ingainga nakon mwengaia ae akea tokina i karawa ao reitaakiia.
Ngkana ko a tia n namakina tangiran mwengam i karawa, tao bukina bwa mwengara ni koaua ao kinaakira a bae ma Tamara are i Karawa ao ara Tia Kamaiu, Iesu Kristo. Anne bukina ngkai e rang kakawaki te reitaki ae matoa ma Ngaiia. Ngkana ti toma ma Ngaiia rinanon ara reitaki n ara berita aika a tabu, ti na kunea te namakin bwa arora ni bwaibwai ao tamneira a ingainga nako iai.
Ara Berita aika tabu n Reitaki ma te Atua
Ara mwakuri ao ara iango a kaotaki n reitakira are a kakawaki iroura. E bon koaua naba n ara reitaki n ara berita aika a tabu ma Tamara are i Karawa ao te tia Kamaiu.
A na bitaki bwaai ni kabane, ngkana ti kabonganaa ara reitaki n ara berita aika a tabu ma te Atua. Ti na kaonaki i Rouna ao n riki n ai Arona, nakon ae ti na kaonaki n waakin te aonaaba. A na moanna n oota maiura ao n teimatoa waakin tamneira ao korakorara. N te tai ae waekoa, “arora ni bwaibwai” e riaon riki ae ti ataia n te maiu ae mamate bwa tera ae nanonaki bwa “kaaina ngaira.
Ngkana e moanibwai reitakira n ara berita ae tabu ma te Atua, katikitiki aika a buakaka n te aonaaba aei a bua ao ti kunea te rau ao namakin bwa kaaina ngaira i nanora. N te aonaaba ae e aki anga n taai nako akean boon bwaai, e karokoa ana kakabwaia n te berita ae tabu Tamara are i karawa ae tatangira n aki tarai arora n te aonaaba aei (taraa 2 Nibwaai 9: 50–51).
E anga te reirei ae tamaroa Beretitenti Russell M. Nelson bwa “n te tai are ti karaoa te berita ae tabu ma te Atua, e a toki ara kaiangatoa n rinean te raoiroi ao te buakaka n aki toki. Te Atua E na bon aki katoka Ana reitaki ma naake a bakaea reken te reitaki ma Ngaia. Ni koauana, ni kabane naake a karaoa te berita ae tabu ma te Atua iai aia konaa ni karekea te aeka n tangira ao n nanoanga ae onoti.”1
Ti ukoria ngkana e tena reitakira ma te Atua—E teimatoa n taainako nakoira, ma ti riai n rineia bwa ti na teimatoa ma Ngaia. Ao te rinerine mai karawa anne a kakorakora ao ni kainaomata! E kainaomataira te rinerine aei man katautau aika a aki koaua bwa antai ngaira ao man aika a kantaningaaki ni kabaebaen te aonaaba.
Ao ngke ti kunea te bwaibwai ni kaainakina anne ma Tamara are i Karawa, ti konaa ngkanne ni kaotinakoi ara taratara ao n nooria tabeman n bon aroia. Ngkana I oota bwa tera Ana namakin ibukiu, I a mataata riki n aron Ana namakin ibukiu, ao au konabwai ma nanou n roko ao n bobotiia tabeman bwa a na korakora riki.
Kamataataan korotamnei ni bungin taai i Nauvoo Tembora, iroun Max D. Weaver
A Kauka Kakabwaia Berita Aika a Tabu
Tamara are i Karawa ao Iesu Kristo a tangiriira bwa ti na karaoi berita aika a tabu ma Ngaiia bwa A aonga ni kakabwaiaira n aron are ti kainnanoia ao ni bitiira n aanga are e na karekea nakoira okira nako Rarikiia.
I kaoko bwa ko na nanakon ana auti te Uea ni mwaitin am tai are e konaa n reke iroum. Ngke I baireia n nanako ao n nako mai i nanou, I karekea te rau man te aonaaba, ao a rikirake au iango ao arou.
Rinanon kawakinan ara berita aika a tabu, ti karekea mwaakan te nakoanibonga are e kaukii taian kakabwaia man ana Mwakuri ni Kamaiu te tia Kamaiu i nanon maiura. Kakabwaia akanne bon te kamaiu, kairiiri, kamanoaki, buoka, kakorakora, te rau, nonoori, ao te kimwareirei. E tangiria ni kakabwaiaira Tamara are i Karawa ma bwaai aikai ni kabane rinanon ara reitaki n ara berita aika a tabu.
Ngkana ko tuai karekea te kakabwaia man te tembora, I kaoko bwa ko na kamatebwai kakabwaia man te tembora, mwaakan te nakoanibonga, berita aika a tabu, ao tera are e tangiria te Atua ibukim. Tai tataningaa reken Ana kamaiu, mwaakana, ao ana buoka n tatangira.
E taku Beretitenti Nelson:
“I kaumakiko bwa ko na aki tataninga ni karokoa ko mare bwa ko na kabaeaki n ana auti te Uea. Moanna mangkai n reiakina ao ni karekei atatai bwa tera ae nanonaki n te kamanoaki ni mwaakan te nakoanibonga.
“Ao ngkami n tatabemani ngkami ake a tia ni karaoi berita aika tabu n te tembora, I butingkami bwa kam na ukeuke—n tataromwaaka ao n teimatoa—n atai berita aika tabu ao otenanti n te tembora. A na kaukaki mataroa ibukin koaua n tamnei. Kam na ataia bwa kam na kanga ni kitana te rabuna imarenan karawa ao aon te aba, kam na kanga ni butiia ana anera te Atua bwa a na raoni ngkami, ao kam na kanga ni karekei kaetieti mai karawa. Ami nanomatoa ni mwakuri e na kamatoa ao ni kakorakora aan tamneimi.2
Kaainakina rinanon te Rairannano
Te rairannano ae teimatoa bon te kawai ae tamaroa ao ni mwakaroiroi ni kaaniko nakon Tamara are i Karawa ao Iesu Kristo. N taai tabetai ti kaairua ni kakoaua bwa ngkana ti kamwaita ara rairannano, ti na riai n raroanako ma Ngaiia. Ma Kaitaraana e boni koaua!
E aki kararoako mai Irouia te rairannano—e uotiko ni kaaniko Nakoia!
Ko kona ni kunea te riki bwa kaaina ao te reitaki ae nano ma Ngaiia rinanon am mwakuri n rairaki Nakoia ao ni karekea te kabwarabure.
Ti konaa n namakinna n arora ngaira man te kororaoi nakon are ti tangiria, ma I aki iangoia bwa Tamara are i Karawa e raraoma ibukin anne ngkai bon Ngaia bukin nanora ao korakorara ni kataia riki. E tangiriira, E ataia bwa ti na nakea, ao E na kairiira n tangiriira i nanon kawaira.
Ataakin mamaarara ao ara kaairua e kainanoa te kokoaua, man te rairannano, ao ti bon kaoa iai Tamara are Ikarawa bwa e na kaan ma ngaira. Kaanna nakoira e karekea nako Ina tibwaan ana tangira nakoira ao ni katauraoa te kamaiu, kabwaraan bure, ao te kamanoaki are ti kainnanoia. Te reitaki aio ma te Atua are e karikirakea ara onimaki ao ni kunea te kaunga nano ao rikira ni kaainna ni koaua.
Te Karikibwai,, iroun Annie Henrie Nader
Ukoran te Taratara ae Rietaata Riki
E kona ni ibuobuoki ara taratara nakon ara namakin ae kaaina ngaira i nanon ana Ekaretia te Uea. Ti konaa n rineia iroura bwa ara mwakuri e konaa ni buoka ara uoote, ara Bootaki n Aine, ke ara kooram n unimwaane bon te tabo ae ti riai ni mena iai ma te tangira. Ukoran buokaia tabeman bwa kaaina e bon karikirakea ara namakin n bwaibwai.
Ngkai natin te Atua ngkoe, kaaina ngkoe—n aki taraa aia taratara aomata ibukim ke n taraiko i bon iroum. Ana babaire ni kakukurei te Tama e nanonaki ibukim, ao iai tibwangam ae kakawaki ae ko na karaoia. Iai iroumi ni kabane te konaa ae okoro n anga ao ni kaaina abanuean te Atua, n aki taraa arom, am reirei, ke rongorongom.
Te iango ae okioki nakon au iango e roko n au iango bwa akanne taeka “kairake n ikawai a tuai iein,” kairake ni ikawai,” ikawai aika a tuai iein” bon tiaki raoi ngkami. Aikai bon te taeka ni kurubunakiia aomata are e buoka kabwarabwaraan te ririki, ieinin te aomata, ma tiaki aika a kakawaki ni kabwarabwara te kinaaki mai karawa ae koaua, kantaningaam, ao te korakora.
Koroboki n anai nano ke kabotau a kona ni kauarerekea taraakira ao kakawakira ao konabwaira n abanuean te Atua. Koauana bwa ngke kaain ana Ekaretia Iesu Kristo ibukiia Aika Itiaki ni Boong aika Kaitira. Ko a tia ni karaoa am berita ae tabu ma te Atua. Ko a tia ni karekea mwaakan Ana nakoanibonga. Ngkoe kaain te Bootaki n Aine ke aia kooram unimwaane. N aron are reireia Beretitenti Nelson, ngkoe, bon natin te Atua, te nati n berita ae tabu, ana reirei Iesu Kristo. Bon anne raoi ngkoe te moa ao ae rangi ni kakawaki, ao bwa e na “kairiko nakon te maiu ae akea tokina n te abanuea ae tiretio iroun te Atua.”3
E kaokaki te euangkerio rinanon te kairake n ikawai—burabeti—Iotebwa Timiti. Anne bon te iango ae korakora aron iangoakina. A onimakina te Burabeti Tamara are i Karawa ao Iesu Kristo ao raona n ana ririki anne ni kaoka te Ekaretia. E onimakiniko naba te Atua bwa ko na ataa kanoan te mwakuri ae rangi ni korakora aei n boong aika kaitira.
Ngkana ko kan ataia bwa antai ngkoe ao bwa ko tangiraki ao ni boongana, butiia Tamam are i Karawa. E na bon tuangko n taainako te koaua ibukim. E na buokiko n nooriko iroum n aron ae E nooriko—ma te konabwai ao te tangira ae E na buokiko n uringa, ni karaua nanom,— ma te kantaninga ao te tangira ae korakora ma ni kororaoi. E kona ni kairiko nakon karekean aro ao te rikirake ae ko aki konaa ni iangoia!
Ke a reke irouia te taratara n noora temanna ao ngaira, n tiaki rinanon te ririki ke arom n mare ma rinanon te taratara ni katiteuanaaki ni kawakinan te berita ae tabu, ana reirei Iesu Kristo, raao, tarira ao mwanera, ao natin te Atua mwaane ao aine. Ao i nanon tibwanga mai karawa akanne ao reitaki, ti na kunea te namakin n bwaibwai bwa kaainga ngaira n te kabanea n rietaata ao ni koaua.