Eja, Më Ndiq

2 Nefi 11–19

Çfarë po Ndodhte në Kohën e Isaias?

Nefi u ndje i frymëzuar për të thënë shumë nga fjalët e profetit Isaia. Të kuptuarit e kontekstit gjeografik dhe politik që qëndron pas profecive të Isaias, mund t’ju ndihmojë që të kuptoni simbolet që përdori ai për të profetizuar për kohën e tij dhe tonën.

Kjo hartë tregon mbretëritë në kohën e Isaias. Ju mund ta përdorni atë për të ecur paralelisht ndërkohë që Nefi citon Isaian. Isaia mund t’i referohet një vendi në mënyra të ndryshme: me emrin e tij, kryeqytetin, fisin kryesor të Izraelit, udhëheqësin politik ose simbole të tjera. Kontrolloni poshtëshënimet te shkrimet e shenjta për më shumë ide.

1. Siria

• Kryeqyteti: Damasku

• E ndihmoi Izraelin të sulmonte Judën meqë nuk u bashkua në një aleancë kundër Asirisë.

• Udhëheqësi: Rezini (shihni te 2 Nefi 17:1, 4, 8)

2. Izraeli

• Mbretëria Veriore

• Kryeqyteti: Samaria

• Fisi kryesor: Efraimi (shihni te 2 Nefi 17:8–9) ose “fiset e humbura”.

• Udhëheqësi: Pekahu, bir i Remaliahut (shihni te 2 Nefi 17:1, 4, 9)

3. Juda

• Mbretëria Jugore

• Kryeqyteti: Jerusalemi

• Fisi kryesor: Juda (shihni te 2 Nefi 13:1, 8; 15:3, 7)

• Udhëheqësi: Ashazi, “shtëpi[a e] Davidit” (2 Nefi 17:1–3)

4. Asiria

• Fuqi ushtarake në kohën e Isaias

• Pushtoi Sirinë, Izraelin dhe përfundimisht të gjithë Judën përveç Jerusalemit

• Shpërndau të dhjetë fiset

• Më vonë u pushtua nga Babilonia

• Simbol i krenarisë dhe i shkatërrimit të të ligjve në Ardhjen e Dytë (shihni te 2 Nefi 20)

5. Babilonia

• Pushtoi Asirinë dhe Judën

• Mërgoi judenjtë nga Jerusalemi

• Simbol i botës dhe ligësisë së saj