Për Prindërit

Ne Flasim për Krishtin

Placeholder credit line

Të Dashur Prindër,

Nefi i mësoi popullit të tij se sa thelbësore është që ta vendosim Zotin në krye të jetës sonë. Ai shkroi: “Ne flasim për Krishtin, ne gëzohemi në Krishtin, ne predikojmë për Krishtin, ne profetizojmë mbi Krishtin dhe shkruajmë sipas profecive tona, që fëmijët tanë të mund të dinë se cilit burim t’i drejtohen për heqjen e mëkateve të tyre” (2 Nefi 25:26). Ju mund t’i shqyrtoni artikujt vijues me familjen tuaj për t’i drejtuar ata dhe njerëz të tjerë që i doni, tek ungjilli i Jezu Krishtit, tek udhërrëfimi i Tij dhe te parimet e mençura që do të na ndihmojnë ta kërkojmë Atë në një botë bashkëkohore plot trazirë.

Diskutimet mbi Ungjillin

Ungjilli i Jezu Krishtit Është për çdo Njeri

Të gjithë njerëzit kanë nevojë për shpresën dhe shëlbimin që sigurojnë ungjilli dhe Shlyerja e Jezu Krishtit. Diskutoni me familjen tuaj për disa mësime nga artikulli i Plakut Xhefri R. Holland se si mund ta doni dikë, t’i tregoni atij dhe ta ftoni atë që ta marrë e ta përqafojë ungjillin e Jezu Krishtit (shihni te faqja 4).

Parime të Mençura për Përdorimin e Mediave

Teknologjia dhe mediat janë mjete të dobishme kur përdoren siç duhet. Shqyrtoni disa parime udhëzuese në faqen 22 dhe diskutoni mbi standardet e familjes suaj për përdorimin e mediave. Duke përdorur pjesën “pyetje për t’u përsiatur”, merreni parasysh se çfarë po shkon mirë dhe çfarë mund të përmirësohet.

Ndjekja e Shpëtimtarit me Besim

Në artikullin e tij në faqen 40, Plaku Benxhamin M. Z. Tai tregon katër mënyra se si na ndihmon Shpëtimtari. Pasi t’i rishikoni këto me familjen tuaj, diskutoni se si ju është dhënë ndihmë kur e keni ndjekur Shpëtimtarin me besim.

Argëtimi Familjar me Programin Eja, Më Ndiq

Gjetja e Krishtit në të Gjitha Gjërat

2 Nefi 11:4

Nefi dëshironte që populli i tij të besonte te Jezu Krishti dhe të shihte se ligji i Moisiut i drejtonte ata te Shpëtimtari. Ai dha mësim: “Çdo gjë që është dhënë nga Perëndia nga fillimi i botës ndaj njeriut, janë shenja që e tipizojnë atë”.

Krijimet e Perëndisë mund të na drejtojnë te Jezu Krishti nëse përqendrimi ynë qëndron me vendosmëri tek Ai. Nefit i pëlqente që t’i jepte mësim popullit të vet rreth Jezu Krishtit dhe se si ligji i Moisiut i drejtonte tek Ai.

Diskutim: Në ç’mënyrë simbolet bashkëkohore të Pashkës “tipizojnë” Krishtin?

Shembull – Veza: Simbol i jetës së re. Na kujton jetën e re nëpërmjet ringjalljes. Gjithashtu, kur çahet për t’u hapur, ajo mund të duket si një varr i zbrazët, simbol i varrit të zbrazët të Krishtit.

Qengji:

Zambaku ose lulet:

Çfarë traditash të tjera të Pashkës ka familja juaj të cilat tipizojnë Krishtin?

Dorëzuar nga Beka Ajluorth Rajti

Nga Revista Për Forcën e Rinisë 

Numri i këtij muaji është një numër i veçantë me temën “Jezu Krishti Është Forca e Rinisë”.

Lexoni një mesazh nga Plaku Xhefri R. Holland rreth mënyrës se si çdo i ri dhe e re mund të gjejë forcë te Jezu Krishti.

Gjeni artikuj rreth mënyrës se si na forcon Shpëtimtari kundrejt stresit, trishtimit, mëkatit, turpit, dobësisë, të qenit si bota dhe ankthit, si edhe artikuj rreth mënyrës se si na forcon Ai që të shërbejmë, të përgatitemi dhe të bëhemi si Ai.

Shijoni afishet dhe veprat frymëzuese të artit për sa i përket Shpëtimtarit.

Nga Revista Miku

Gëzuar Pashkën!

Gjeni histori dhe veprimtari për ta ndihmuar familjen tuaj që të ketë një Pashkë kuptimplotë dhe të përqendruar te Krishti.

Gati për Konferencën e Përgjithshme

A jeni plot emocion që do ta shikoni konferencën muajin e ardhshëm? Këtë muaj revista Miku ka një veprimtari për fëmijët tuaj që ta bëjnë ndërkohë që dëgjojnë.

Qëndroni të Parrezikuar në Internet

Lexoni një histori rreth një vajze që e ndjeu Frymën e Shenjtë ta nxiste atë që të ndalonte së pari materiale të këqija filmike. Ju mund të gjeni më shumë burime për sigurinë në mediat te Miku.KishaeJezuKrishtit.org.

Mësoni rreth Librit të Mormonit

Gjeni veprimtari javore, histori të ilustruara nga shkrimet e shenjta dhe më shumë, për të ndihmuar që ta bëni argëtues studimin tuaj familjar të shkrimeve të shenjta.