Unsay Nahitabo sa Panahon ni Isaias?

Gibati ni Nephi nga nadasig sa pagpakigbahin og daghan sa mga pulong ni propeta Isaias. Ang pagsabot sa heyograpikal ug politikal nga konteksto sa luyo sa mga panagna ni Isaias makatabang kaninyo sa pagsabot sa mga simbolo nga gigamit niya sa pagpanagna mahitungod sa iyang panahon ug atong panahon.

Kini nga mapa nagpakita sa mga gingharian sa panahon ni Isaias. Magamit ninyo kini sa pagsunod samtang si Nephi mokutlo ni Isaias. Si Isaias mahimong mopasabot sa usa ka dapit sa lainlaing paagi: pinaagi sa ngalan niini, ulohang siyudad, nag-unang tribo sa Israel, politikal nga lider, o ubang mga simbolo. Susiha ang mga footnote diha sa mga kasulatan alang sa dugang nga mga panabot.

1. Siria

Ulohang siyudad: Damasco
Mitabang sa Israel sa pag-atake sa Juda tungod sa wala pag-apil sa usa ka alyansa batok sa Asiria
Lider: Resin (tan-awa sa 2 Nephi 17:1, 4, 8)

2. Israel

Amihanan nga Gingharian
Ulohang siyudad: Samaria
Nag-unang tribo: Ephraim (tan-awa sa 2 Nephi 17:8–9) o ang “nawala nga mga tribo”
Lider: Peka, anak nga lalaki ni Remaliah (tan-awa sa 2 Nephi 17:1, 4, 9)

3. Juda

Habagatan nga Gingharian
Ulohang siyudad: Jerusalem
Nag-unang tribo: Juda (tan-awa sa 2 Nephi 13:1, 8; 15:3, 7)
Lider: Achaz, ang “balay ni David” (2 Nephi 17:1–3)

4. Asiria

Militar nga gahom sa panahon ni Isaias
Mibuntog sa Siria, Israel, ug sa kataposan sa tanang Juda gawas sa Jerusalem
Mitibulaag sa napulo ka tribo
Sa wala madugay nabuntog sa Babelonia
Nagsimbolo sa garbo ug sa pagkalaglag sa mga daotan atol sa Ikaduhang Pag-anhi (tan-awa sa 2 Nephi 20)

5. Babelonia

Mibuntog sa Asiria ug Juda
Gipalayas ang mga Judeo gikan sa Jerusalem
Nagsimbolo sa kalibotan ug sa kadaotan niini