Unsay Gisaad ni Jesukristo Nga Dili Masaad sa Kalibotan?

Imahe

diha sa wala, mga tawo nga nagbugalbugal ug nanulisok; diha sa tuo, mga tawo nga naminaw ni Jesus nga nagtudlo

Detalye gikan sa Lehi’s Dream [Damgo ni Lehi], ni Greg K. Olsen; paghulagway ni Jesus nga nagtudlo, pinaagi ni Justin Kunz

Bisan og ang mga pulong ni Isaias lisod nga masabtan, usa ka butang nga klaro mao nga “ang Babelon … mahisama ingon sa diha nga ang Dios milaglag sa Sodoma ug Gomorra” (2 Nephi 23:19) ug “ang mga daotan malaglag” (tan-awa sa 2 Nephi 23:22). Nganong pilion man ni bisan kinsa ang dalan sa kadaotan?

Ang pagpuyo sa Babelon, o ang pagpuyo sa daotang paagi, mahimong makita nga makadani. Tingali ang Babelon mosaad og kalibotanon nga kalingawan, apan ang ebanghelyo ni Jesukristo nagsaad og tinuod nga kalipay ug malungtaron nga kalinaw.

Niini nga talaan, sutaa ang mga kalainan tali kon sa unsang paagi ang kalibotan nagsugyot nga kita kinahanglang magpakabuhi ug sa unsang paagi si Jesukristo nagtudlo kanato nga magpakabuhi. Unsa nga mga saad ang gihatag sa kalibotan alang sa pagsunod sa mga pagtulon-an niini kon itandi sa mga saad nga gitanyag sa Manluluwas alang sa pagsunod sa Iyang mga pagtulon-an?

Ang kalibotan nagtudlo	Ang saad sa kalibotan	Si Jesukristo nagtudlo	Ang saad ni Jesukristo
Magmapahitas-on ug magmapagarbohon (2 Nephi 23:11)		Magmapainubsanon (3 Nephi 12:3)
Magmahambogon (2 Nephi 24:11)		Magmaaghop (3 Nephi 12:5)
Magmasuk-anon (2 Nephi 24:6)		Magpasiugda sa kalinaw (3 Nephi 12:9, 22–24)
Magtinguha sa inyong kaugalingon nga himaya (2 Nephi 24:13–14)		Magtinguha sa himaya sa Ginoo (3 Nephi 12:16; 13:13, 33)

Dili kita malaglag uban sa mga daotan kon kita mosunod ni Jesukristo. Hinuon, kita makasegurado gayod nga si Jesukristo mahimong “maluluy-on ngadto sa [Iyang] mga katawhan” (2 Nephi 23:22).