“Unsa nga Kamatuoran ang Gitudlo sa 1 Nephi ug 2 Nephi ngari Kanato mahitungod ni Jesukristo?,” Liahona, Mar. 2024.
Dali, Sunod Kanako
Unsa nga Kamatuoran ang Gitudlo sa 1 Nephi ug 2 Nephi ngari Kanato mahitungod ni Jesukristo?
Duol sa kataposan sa iyang mga sinulat, si Nephi nag-ingon, “Ug kon kamo motuo diha ni Kristo, kamo motuo niini nga mga pulong, kay sila ang mga pulong ni Kristo” (2 Nephi 33:10). Daghang kamatuoran mahitungod sa kinaiya, kinabuhi ug Pag-ula sa Manluluwas nga makita diha sa atong gitun-an sa Basahon ni Mormon niining tuiga.
Come unto Me [Duol ngari Kanako], ni Eva Timothy
Kinaiya ni Kristo
-
Siya puno sa pailob, kamabination, ug pag-antos (tan-awa sa 1 Nephi 19:9).
-
Siya kanunayng mohinumdom kanato (tan-awa sa 1 Nephi 21:14–16).
-
Siya nagdapit sa tanan sa pagduol ngadto Kaniya (tan-awa sa 2 Nephi 26:24, 33).
Kahayag ug Kamatuoran, ni Simon Dewey
Pagpangalagad ni Kristo
-
Siya nagtudlo sa Iyang ebanghelyo ug miayo sa masakiton (tan-awa sa 1 Nephi 11:24, 27–31).
-
Siya mipakita og ehemplo sa pagkamasulundon pinaagi sa pagpabunyag (tan-awa sa 1 Nephi 10:9; 2 Nephi 31:7–12).
-
Siya gilansang, gibutang sa lubnganan ug mibisita sa mga Nephite human sa Iyang Pagkabanhaw (tan-awa sa 1 Nephi 19:10–11; 2 Nephi 26:1).
The Crucifixion of Christ, artist wala mailhi
Pag-ula ni Kristo
-
Siya mitubos kanato pinaagi sa Iyang sakripisyo (tan-awa sa 2 Nephi 2:6–7).
-
Siya mihimo og usa ka “walay kinutoban nga pag-ula” nga mibuntog sa pisikal ug espirituwal nga kamatayon (2 Nephi 9:5–22).
-
Siya makapagahom kanato kon kita magbaton og hugot nga pagtuo Kaniya ug mopili sa paghinulsol (tan-awa sa 2 Nephi 31:13).