Այսօր Փրկչի ավետարանով կիսվելու օրն է

Նախագահ Ռասսել Մ. Նելսոնը հայտարարել է. «Աշխարհի պատմության մեջ երբևէ չի եղել այնպիսի ժամանակ, երբ մեր Փրկչի մասին գիտելիքն ավելի կենսական և արդիական լինի յուրաքանչյուր մարդկային հոգու համար» («Մաքուր ճշմարտություն, մաքուր վարդապետություն, և մաքուր հայտնություն», Լիահոնա, նոյեմբեր 2021, 6): Ահա ինչու ենք մենք ընդունում Փրկչի հրավերը և Նրա ավետարանով կիսվելու պատվիրանը (տես Մատթեոս 28.19):

Սա կարևոր աշխատանք է, որին մենք բոլորս կարող ենք մասնակցել: Այս թողարկման մեջ Տասներկու Առաքյալների Քվորումից երեց Քվենթին Լ. Քուքը ուսուցանում է, որ «ամենուրեք կան հնարավորություններ` օգնելու ուրիշներին գալ Քրիստոսի մոտ՝ ցույց տալով մեր սերը, կիսվելով մեր համոզմունքներով և հրավիրելով նրանց միանալ մեզ՝ զգալու Հիսուս Քրիստոսի ավետարանի ուրախությունը» (էջ 4):

Մենք երախտապարտ ենք յուրաքանչյուր երիտասարդ տղամարդու և երիտասարդ կնոջ համար, որոնք ծառայում են ուսուցողական կամ ծառայողական միսիայում, բայց ինչպես ես հայտարարում եմ այս թողարկման իմ հոդվածում. «Առաջնագծում մեզ անհրաժեշտ է միսիոներներից և անդամներից կազմված շատ ավելի մեծ բանակ»:

Ես նույնպես կիսվում եմ, որ. «Այսօր այդ օրն է, որ մենք հաստատակամություն և քաջություն ցուցաբերենք և կիսվենք Հիսուս Քրիստոսի ավետարանով» (էջ 40): Երբ այս ամիս ուսումնասիրեք Ամմոնի, Աբիսի և մյուսների միսիոներական ջանքերը Մորմոնի Գրքում, ես հրավիրում եմ ձեզ խորհել այն մասին, թե ինչպես կարող եք Փրկչի ավետարանի ուրախությամբ կիսվել ձեր շրջապատի հետ:

Երեց Էդուարդո Գավարեթ

Յոթանասունից