Mānava ia ’oe i roto i teie ve’a

E mahana teie nō te fa’a’ite i te ’evanelia a te Fa’aora

’Ua parau te peresideni Russell M. Nelson, « ’Aita i ’ite-noa-hia a’e hō’ē taime i roto i te ’ā’amu o te ao nei ’a riro ai te ’itera’a i tō tātou Fa’aora ’ei ’ohipa faufa’a ’e te tītauhia nō te vaerua ta’ata tāta’itahi » (« Parau mau vi’ivi’i ’ore, ha’api’ira’a tumu vi’ivi’i ’ore ’e heheura’a vi’ivi’i ’ore », Liahona, Novema 2021, 6). Nō reira tātou e fāri’i ai i te tītaura’a ’e te fa’auera’a a te Fa’aora ’ia fa’a’ite i tāna ’evanelia (hi’o Mataio 28:19).

Tē māuruuru nei mātou nō te feiā ’āpī tamāroa ’e te feiā ’āpī tamāhine tāta’itahi ’o te rave nei i te hō’ē misiōni o te ha’api’ira’a ’aore rā o te tāvirira’a, terā rā mai tā’u i fa’ahiti i roto i teie parau pāpa’i ve’a, « tē hina’aro nei mātou fa’ahou ā, te mea rahi atu ā, i ni’a i te mau rēni i mua—hō’ē nu’u o te mau misiōnare ’e te mau melo ».

« E mahana teie », tā’u ato’a e fa’a’ite nei, « nō tātou ’ia fa’a’ite i te huru ta’ata ’e te itoito ’e ’ia fa’a’ite i te ’evanelia a Iesu Mesia » (’api 40). ’A ’imi maita’i ai ’oe i te mau tauto’ora’a misiōnare a Amona, a Abisa ’e vetahi ’ē i roto i te Buka a Moromona i teie ’āva’e, tē ani nei au ia ’oe ’ia feruri nāhea ’oe ’ia fa’a’ite i te ’oa’oa o te ’evanelia a te Fa’aora i te feiā e ’āua ha’ati nei ia ’oe.

Elder Eduardo Gavarret

Nō te Hitu ’Ahuru

e ta’ata ’e te mau misiōnare e pure rā i roto i te fare purera’a

« ’Eiaha e parau i te hō’ē mea maoti rā te tātarahapa i teie nei u’i. ’A ha’apa’o i tā’u mau fa’auera’a, ’e ’a tauturu i te fa’atupura’a i tā’u ’ohipa, mai te au i tā’u mau fa’auera’a, ’e e ha’amaita’ihia ’outou ».

Te Ha’api’ira’a Tumu ’e te mau Fafaura’a 11:9

Hōho’a nā Matthew Reier.