Nairobi, Kenya

hōho’a fenua ’e te ha’amenemenera’a hā’ati ia Kēnia

tapi [gazelle] i roto i te hō’ē fa’a’apu ’e te mau fare tahu’a teitei i muri mai

’Ua bāpetizohia ’e ’ua ha’amauhia nā ta’ata mātāmua e piti tei ’āmui mai i Te ’Ēkālesia a Iesu Mesia i te Feiā Mo’a i te mau Mahana Hōpe’a nei i Kēnia i te matahiti 1979. I te matahiti i muri mai, ’ua tae mai nā misiōnare mātāmua e piti, e nā ta’ata fa’aipoipo pa’ari i Kēnia. I te matahiti 1981, ’ua ha’amauhia e piti ’āma’a, i Nairobi ’e i Kiboko. I teie mahana, tē vai nei i roto i te ’Ēkālesia i Kēnia :

17 430 melo (fātata)
2 titi, 57 pāroita ’e ’āma’a, 1 misiōni
1 hiero tei fa’aarahia (Nairobi)

Te ’itera’a i te ’oa’oa i roto i te Fatu

’Ei melo ’āpī nō te ’Ēkālesia, ’ua ’ite mai Gladys Ondwari i te ’oa’oa i roto i te ’evanelia noa atu ē tē fa’aruru nei ’oia i te mau tāmatara’a : « E ’oa’oa rahi tō’u ! ’Ua fa’aaraara te Fatu i tō’u nā mata i te taime tano. ’Ua ’ite au ’o Iesu Mesia tō’u ha’apūra’a ’ia fifi ana’e te mau mea ».

Nō te ’ite hau atu ā nō ni’a i te ’Ēkālesia i Kēnia

E taure’are’a tamāroa nō Kēnia e tāvini ra i te hō’ē misiōni i te pae ’apato’erau tō’o’a o te rā nō te fenua Marite, i reira ’oia e nehenehe ai e tauturu i te mau tītīhoria nō ’Āfirita.
E parau poto ’e te ’itera’a pāpū nō roto mai i te hō’ē taure’are’a tamāhine e ora ra i Kēnia.
E taure’are’a tamāroa nō Kēnia e fa’a’ite nei mea nāhea tō te Mesia ha’apūaira’a ’iāna ’ia rave i te mau ’ohipa pa’ari.
’A ora ai rātou i te ’evanelia, ’ua hāmani te mau melo nō Kēnia i te mau ha’apūra’a i mua i te mau mata’i o te ao nei.
Hō’ē ’orometua nō te ’ā’amu o te ’Ēkālesia e fa’ati’a ra i te tupura’a o te ’Ēkālesia i Chyulu, Kēnia.

hi’ora’a o te ’oire nō Nairobi — Pū ’oire nō Nairobi. ’Ua ha’amauhia te titi mātāmua a te ’Ēkālesia i Kenya i Nairobi i te 9 nō Tetepa 2001.

Elder Sitati ’e te rave ’ohipa i ni’a i te vāhi patura’a nō te hiero — ’A tāvini ai ’oia ’ei peresideni nō te ārea nō ’Āfirika Ropu, e ta’ata tumu Elder Joseph W. Sitati nō Kēnia, ’ua haere ’oia e māta’ita’i i te vāhi patura’a nō te hiero nō Nairobi i Kēnia ’e te tahi atu feiā fa’atere o te ’Ēkālesia i te 21 nō Mē 2022.

e piti nā ta’ata e pārahi ’āpīpiti ra — E mea faufa’a roa te fa’ataera’a atu i te ’ā’amu ’utuāfare. Tē vai nei e pae pū FamilySearch i Kēnia, ’e te haere nei te mau fa’atere i tera vāhi e tera vahi nō te ha’aputu mai i te mau ’ā’amu mea paraparau noa ’o tā rātou e nehenehe e fa’aherehere nō te mau u’i nō a muri a’e.

metua vahine ’e e piti tamāhine — ’Ua ha’amata te ’Ēkālesia i Kēnia nā roto i te putuputura’a mai te mau melo i roto i te mau fare. I teie mahana, ’ua hau i te 50 ’āmuira’a feiā mo’a e putuputu nei i Kēnia.