Welcome Niini nga Isyu

Pag-ugmad og Hugot nga Pagtuo pinaagi sa Espirituhanong Pagpangandam

Sa panahon nga puno sa espirituhanong mga hagit, ang mga propeta ug mga apostoles nagtudlo kon sa unsang paagi nga ang atong pagpangandam labing makatino sa resulta niana nga mga hagit sa atong mga kinabuhi.

Niini nga isyu, si Elder Dale G. Renlund sa Korum sa Napulog Duha ka Apostoles nagpakigbahin kon sa unsang paagi nga ang hugot nga pagtuo, kinaadman, ug mga taktika ni Kapitan Moroni miandam sa iyang katawhan aron ang Ginoo makapanalangin nila og kalamposan diha sa mga gubat batok sa mga Lamanita.

Ngadto sa lider sa napildi nga kaaway, si Moroni miingon, “Ang Ginoo … mitugyan kaninyo sa among mga kamot. Ug karon ako manghinaot nga kamo kinahanglan mosabot nga kini … tungod sa among tinuohan ug sa among hugot nga pagtuo kang Kristo” (Alma 44:3).

Si Elder Renlund nagsulat: “Si Moroni mipasiugda og mga baroganan nga mahimo natong magamit aron matabangan kita nga matubag ang mga hagit sa atong mga kinabuhi karon. Samtang mogamit kita sa hugot nga pagtuo diha ni Jesukristo, … Siya mopanalangin nato sa Iyang gahom” (pahina 4).

Ang mga artikulo ug mga istorya niini nga isyu nagpakita og importante nga mga paagi nga kita makahimo niini. Sa akong artikulo, ako nagsulat, “Hinaot nga kita magtinguha—sa makausa pa—nga mopili sa hugot nga pagtuo diha ni Jesukristo, usa ka hugot nga pagtuo nga makasarang bisan unsa pa ang mahitabo sa kinabuhi” (pahina 44). Kon buhaton nato kini, kita mas maandam sa pagdawat og balaanong tabang sa pagtubag sa atong espirituhanong mga hagit.

Elder Mark D. Eddy

Sa Seventy

Si Moroni “miyukbo sa iyang kaugalingon sa yuta, ug siya nag-ampo nga mainiton ngadto sa iyang Dios alang sa mga panalangin sa kalingkawasan nga modangat nganha sa iyang mga kaigsoonan, kutob nga adunay panon sa mga Kristyanos nga mahibilin aron sa pagpanag-iya sa yuta.”

Alma 46:13

For the Blessings of Liberty [Alang sa mga Panalangin sa Kalingkawasan], ni Scott M. Snow, dili mahimong pakopyahan