Trinidad ug Tobago

Niadtong Hunyo 5, 1980, ang unang branch sa Ang Simbahan ni Jesukristo sa mga Santos sa Ulahing mga Adlaw didto sa Trinidad ug Tobago giorganisar didto sa kaulohan nga siyudad, sa Port of Spain. Sa milabayng 40 ka tuig, ang Simbahan didto mitubo nga naglakip sa:

3,400 ka miyembro (gibanabana)
1 ka stake, 10 ka ward ug mga branch
1 ka sentro sa FamilySearch

Wala pay templo sa Trinidad ug Tobago, mao nga ang mga Santos matinud-anong mobiyahe ngadto sa ubang mga nasod, sama sa Dominican Republic, alang sa pagsimba didto sa templo. Si Rouann Johnson, usa ka miyembro sa Arima Branch, mipakigbahin og usa ka panalangin sa pagtambong sa templo: “Ang kalinaw nga akong gibati samtang anaa ko sa templo dili makaplagan sa bisan asa nga dapit dinhi sa yuta.”