Tei ’ō nei te ’Ēkālesia

Reykjavík, ’Itirane

’Ua tae te mau misiōnare mātāmua nō Te ’Ēkālesia a Iesu Mesia i te Feiā Mo’a i te mau Mahana Hope’a nei i te fenua ’Itirane i te matahiti 1851. I te 20ra’a o te tenetere, e rave rahi melo tei tere i te tahi atu mau fenua. I teie rā mahana, ’ua haere mai te mau melo nō te ’Ēkālesia i ’Itirane nā te mau fenua e rave rahi, ’e e rave rahi ta’ata ’Itirane tei ho’i mai nō te poro i te ’evanelia a Iesu Mesia ’e nō te tauturu i te feiā fa’afāriu-’āpī-hia ’ia fa’atere i te ’Ēkālesia. Noa atu tō rātou iti, e ’āmuira’a tāhō’ē rā rātou. Tē vai ra i roto i te ’Ēkālesia i ’Itirane :

• Fātata e 380 melo

• 4 ’āma’a (’oia ato’a te hō’ē nā roto i te reo Pāniora)

• 1 pū FamilySearch

E ’oire nō te feiā mo’a

Tē tūru’i nei te mau melo nō ’Itirane i ni’a i te tahi ’e te tahi. I te pohera’a te tāne a Bettina Gudnason, ’ua ’itehia mai iāna te tāmāhanahanara’a i roto i te ’utuāfare feiā mo’a ’ati a’e iāna : « Tei pīha’i iho noa te mau melo o te ’Ēkālesia iā’u. ’Ua ’ite au i roto i tō’u ’ā’au ē ’ua ’ite tō tātou Metua i te ao ra ’e o Iesu Mesia i te mau mea ato’a e tupu ra ’ati a’e ia tātou. ’Ua ’ite rāua ia tātou ma tō tātou i’oa. »