ʻOku ʻi Heni ʻa e Siasí

Leisaviki, ʻAisileni

Naʻe tūʻuta ʻa e kau fuofua faifekau mei he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi ʻAisileni ʻi he 1851. Naʻe hikifonua atu ha kāingalotu tokolahi ki ha ngaahi fonua kehe ʻi he senituli 20. Ka ʻi he ʻaho ní, kuo omi e kāingalotu ʻo e Siasí ʻi ʻAisilení mei ha ngaahi fonua kehekehe, pea kuo foki mai mo ha niʻihi tokolahi ʻo e kau ʻAisileni totonú ke malanga ʻaki e ongoongolelei ʻo Sīsū Kalaisí mo tokoni ki he kau papi ului foʻoú ke nau tataki e Siasí. Neongo ʻoku nau tokosiʻi, ka ʻoku nau fetaiaki ʻi he ʻofá. ʻOku ʻi he Siasí ʻi ʻAisileni ʻa e:

• (fakafuofua ki ha) kāingalotu ʻe toko 380

• ngaahi kolo ʻe 4 (kau ai ha kolo ʻe taha ʻi he lea faka-Sipeiní)

• Senitā FamilySearch ʻe 1

Ko ha Haʻofanga ʻo ha Kakai Māʻoniʻoni

ʻOku fefalalaʻaki ʻa e kāingalotu ʻi ʻAisilení. ʻI he taimi naʻe mālōlō ai e husepāniti ʻo Petina Kutinasoní, naʻá ne maʻu ha fiemālie ʻi he Kāingalotu ʻo e Siasí ne nau tokoniʻi iá: “Naʻá ku feohi maʻu pē mo e kāingalotu ʻo e Siasí. ʻOku ou ʻiloʻi ʻi hoku lotó ʻoku ʻafioʻi ʻe he Tamai Hēvaní mo Sīsū Kalaisi ʻa e meʻa kotoa pē ʻoku hoko ʻi hotau ʻātakaí. ʻOkú Na ʻafioʻi kitautolu ʻaki hotau hingoá.”