Sāvali o le Kerisimasi a le Au Peresitene Sili

Auiliiliga mai le Malamalama o le Lalolagi, saunia e Michael Malm, e le mafai ona kopiina.

I lenei taimi fiafia o le tausaga, matou te faafetai ai e faamanatu faatasi ma outou le soifua mai o lo tatou Faaola o Iesu Keriso.

E ui lava sa fanau mai o Ia i ni tulaga faatauvaa, ae o Ia o le tagata e totonugalemu i le talafaasolopito o tagata uma. O Lana misiona e aafia ai i latou uma sa ola ma i latou o le a ola mai. E ala i Lana Togiola ma le Toetu, na Ia faia ai mea e le mafai ona tatou faia mo i tatou lava: faatoilalo le oti ma faaleleia ma lo tatou Tama Faalelagi.

Ua tatou molimau atu e faapea o Ia o le Alo o le Tama e Faavavau, o lē “ua faapea lava ona alofa mai [o le Atua] i le lalolagi, ua ia au mai ai lona Atalii e toatasi, ina ia le fano se tasi e faatuatua ia te ia, a ia maua e ia le ola e faavavau” (Ioane 3:16). Matou te faasoa atu la matou molimau ma le malamalama i lenei meaalofa aupito sili ona taua ma valaaulia outou e faia foi faapea i lenei vaitau o le Kerisimasi.

O Le Au Peresitene Sili