Inisitituti
Mataupu 15: Iakopo 1–4

Mataupu 15

Iakopo 1–4

Folasaga

Ona o le faamaualuga ma le tele o le oa, na faigofie ai ona aafia sa Nifae i le tele o agasala i le taimi o Iakopo, ae maise lava le agasala o le le ola mama. I le lagonaina o le taua o lona valaauga faaperofeta, na tauleagaina ai e Iakopo nei faiga faatiapolo ma valaau atu ma le lototoa i tagata ia salamo. O anafea na e molimauina ai le perofeta po o isi taitai o le Ekalesia ua saunoa sao atu e faasoa atu se savali taua? Ina ia malamalama i le valaauga paia o se taitai perisitua e tuuina atu aoaiga faaleagaga, o le a sili atu ona e malamalama i le leo o le lapataiga a perofeta o ona-po nei i se lalolagi ua sili ona faateleina le amioleaga.

Matau mai ina ua mavae le aoaoina o sa Nifae i taunuuga o a latou agasala, na liliu atu e Iakopo o latou mafaufau i le Faaola. Na ia aoao atu o loo ia i tatou le mana e manumalo ai i agasala ma vaivaiga e ala atu i le alofa tunoa o Keriso. O le mea lea na ia fesili ai, “Se a le mea e le talatala ai i le togiola a Keriso … ?” O le faia o lena mea, tatou te maua ai le “Iloa lelei o le toe tu mai ma le lalolagi e oo mai (Iakopo 4:12). Ona mafai lea ona tatou atiina ae se agaga faafetai sili atu mo le meaalofa o le laveaiina mai agasala ma le oti ua tuuina mai e le Faaola.

Faamatalaga

Iakopo 1:2–8. Faamoemoega o Iakopo i Tusitusiga

  • Matau mai na i ai ia Iakopo lea lava manao na i ai i lona uso o Nifae ao ia saunia e faaauau le tausia o faamaumauga i papatusi laiti. Na tuuina e Elder Jeffrey R. Holland o le Korama a Aposetolo e Toasefululua le manao o Iakopo i se vaaiga:

    “E foliga mai sa faapitoa lava le tuuto o Iakopo i le tuuina atu o le mataupu a Keriso. E tusa ai ma le tele o le avanoa na ia faaaogaina mo lana molimau i le togiola a le Faaola, na manino lava le manatu o Iakopo i lenei mataupu faavae e sili le paia i aoaoga ma e sili le maoae i faaaliga.

    “‘O matou … na maua foi e i matou faaaliga e tele, ma le agaga o valoaga e tele,’ na saunoa mai Iakopo, ‘o le mea lea, na matou iloa ai Keriso ma lona malo, e oo mai.

    “‘O lenei, ua matou galulue ma le filiga i lo matou nuu ina ia matou faaoleole ia te i latou e o mai ia Keriso. …

    “‘O lenei, matou te loto i le Atua … ia talitonu tagata uma ia Keriso, ma iloa lona maliu, ma ia tauave lona satauro, ma onosai i le maasiasi o le lalolagi.’ [Iakopo 1:6–8].

    “E leai se perofeta i le Tusi a Mamona, i le natura po o le molimau patino, e foliga mai na sili atu le faatuatua na galue ai i lena galuega o le faatauanau nai lo Iakopo. Na ia tauleagaina viiga o le lalolagi, na ia aoao sao atu, mamafa, e oo lava i aoaoga faavae matuia, ma na ia iloa patino lava le Alii. O ia o se faataitaiga sili o le Tusi a Mamona i le faaiuga a se alii talavou e tauave le satauro ma onosai i le maasiasi o le lalolagi i le puipuia o le suafa o Keriso. O le olaga, e aofia ai na tausaga faigata o lona talavou ina ua ia vaaia le amioleaga a Lamana ma Lemuelu lena na tuuina ifo ai lona tama ma lona tina i lalo i o laua tuugamau ma le faanoanoa, sa le faigofie mo lenei atalii muamua na fanaua i le vao” (Christ and the New Covenant [1997], 62–63).

Iakopo 1:9–19. O Nifae ma le Nofoaiga a Tupu a sa Nifae

  • Ina ua malaga ese Nifae mai ona uso, ia na ta’ua mulimuli ane o sa Lamana (tagai i le 2 Nifae 5), na ia faatuina se malo i ona tagata, ma na ta’ua i latou o sa Nifae. E ui lava na musu, ae na avea Nifae ma tupu muamua (tagai i le 2 Nifae 5:18–19). Na ta’ua e Nifae lona taimi o se taitai-tupu o “la’u nofoaiga” (1 Nifae 10:1). O le tupu lona lua ma isi tupu na sosoo ai na taua uma lava o Nifae (tagai i le Iakopo 1:11–15). O tala i tupu ma le talafaasolopito faalelalolagi sa tusia muamua lava i papatusi lapopoa a Nifae (tagai i le Iaroma 1:14; Ominae 1:11; Upu a Mamona 1:10).

O Taitai autu i le Talafaasolopito o sa Nifae—600 T.L.M. i le T.A. 421

Tausaga-Nofoaiga a Faamasino

Tausaga Kerisiano

Tupu, Faamasino Sili, po o le Kovana

Taitai Faaleatunuu po o le Ekalesia

Taitai Au

600 T.L.M.

Nifae (2 Nifae 5:18–19)

Nifae (1 Nifae 1:1–3; 19:1–4)

Nifae (2 Nifae 5:14; Iakopo 1:10)

544 T.L.M.

Isi na filifilia (Iakopo 1:9)

Iakopo (2 Nifae 5:26; Iakopo 1:1–4, 17–18)

544–420 T.L.M.

Enosa ma le tele o perofeta (Enosa 1:22, 26)

399 T.L.M.

“Tagata malolosi i le faatuatua i le Atua” (Iaroma 1:7)

Iaroma ma perofeta a le Atua (Iaroma 1:1, 10–11)

“Tagata malolosi i le faatuatua i le Atua” (Iaroma 1:7)

361 T.L.M.

Ominae (Ominae 1:1–3)

317 T.L.M.

Amarona (Ominae 1:4–8)

Kemiso (Ominae 1:9)

279–130 T.L.M.

Mosaea1 (Ominae 1:12–23)

Peniamina (Ominae 1:23–25; Upu a Mamona)

Apinatome (Ominae 1:10–11)

Amaleki (Ominae 1:12)

Peniamina ma perofeta paia (Upu a Mamona 1:16–18; Mosaea 1–6)

Mosaea1 (Ominae 1:12–23)

Peniamina (Ominae 1:23–25)

124 T.L.M.

Mosaea2 (Mosaea 1:15)

Mosaea2 (Mosaea 6:3)

122 T.L.M.

Alema1 (Mosaea 25:19; 26:28)

1

91 T.L.M.

Alema2 (Mosaea 29:44)

Alema2 (Mosaea 29:42)

Alema2 (Alema 2:16)

9

83 T.L.M.

Nifaea (Alema 4:17, 20)

18

74 T.L.M.

Moronae (Alema 43:17)

19

73 T.L.M.

Helamana1 (Alema 37:1; 45:20–23)

24

68–67 T.L.M.

Paorana (Alema 50:39–40)

32

60 T.L.M.

Moronaea (Alema 62:43)

36

56 T.L.M

Sepulona (Alema 63:1)

39

53 T.L.M

Helamana2 (Alema 63:11)

40

52 T.L.M.

Paorana2 (Helamana 1:1, 5) ma Pakumeni (Helamana 1:13)

42

50 T.L.M.

Helamana2 (Helamana 2:1–2)

53

39 T.L.M.

Nifae1 (Helamana 3:37)

Nifae1 (Helamana 3:37)

62

30 T.L.M.

Seseroma (Helamana 4:18; 5:1)

Ta’uga mulimuli o Moronaea (Helamana 4:18)

66

26 T.L.M.

Atalii o Seseroma (Helamana 6:15)

?

?

Seseroma (Helamana 6:39; 9:23)

92

T.A. 1

Lakoneu1 (3 Nifae 1:1)

Nifae2 (3 Nifae 1:1–2)

T.A. 16

Kitekitonae (3 Nifae 3:18)

T.A. 30

Lakoneu2 (3 Nifae 6:19)

?

Nifae3 (?) (tusitusiga maoae mo le 4 Nifae)

T.A. 110

Amosa1 (4 Nifae 1:19–20)

T.A. 194

Amosa2 (4 Nifae 1:21)

T.A. 305

Amarona (4 Nifae 1:47)

c. T.A. 321–335

Mamona (Mamona 1:1–3)

T.A. 326

Mamona (Mamona 2:2)

T.A. 385

Moronae (Mamona 6:6)

Iakopo 1:15. O le a le Palake?

  • O palake i le Feagaiga Tuai “sa manatu i ai o ava lona lua, o lona uiga, o avā e le tutusa tulaga i le vasega faatulagaina sa faaaogaina e pei o avā e lei faaigoaina o palake” (Bruce R. McConkie, Mormon Doctrine, lomiga. 2 [1966], 154). O palake sa i ai le puipuiga atoatoa e pei o avā ma e le solia ai le tulafono o le legavia pe a faatagaina mai e le Alii (tagai i le MFF 132:34–43). Peitai, i le taimi o le Tusi a Mamona, e lei faatagaina mai palake e le Alii (tagai Iakopo 2:27; Mosaea 11:2).

Iakopo 1:18. “Ositaulaga ma Aoao Faasaina”

  • Na faamalamalama mai e Peresitene Iosefa Filitia Samita (1876–1972) ituaiga ositaulaga ma aoao o loo taua i le Iakopo 1:18: “Na galulue sa Nifae e ala i le pule mama o le Perisitua Mekisateko mai aso o Liae seia oo i le asiasiga a lo tatou Faaola ia i latou. E moni lava na ‘faasaina Iakopo ma Iosefa’ e Nifae ia avea i laua ma ositaulaga ma aoao i le laueleele o sa Nifae, a o le mea moni o igoa numera tele o ositaulaga ma aoao na faaaogaina e faamaoti mai ai e le o se faamatalaga lenei e faapitoa i le tofi i le perisitua i tulaga uma na, a o se galuega masani ia aoao atu, faatonu, ma lapatai le nuu” (Answers to Gospel Questions, comp. Joseph Fielding Smith Jr., 5 vol. [1957–66], 1:124).

Iakopo 1:19. “Na Ma Faamamalu Foi o Maua Tofiga i la le Atua”

  • Ao talanoaina le tiute o e umia le perisitua ia auauna atu i isi, na faamatala mai e Peresitene Thomas S. Monson:

    “O le a le uiga o le faalauteleina o se valaauga? O lona uiga o le faatinoina i se tulaga mamalu, ma le taua, ia tausaafia ma moomia i le vaaiga a tagata uma, ia faalautele ma faamalosia, ma ia faasusulu i ai le malamalama mai le lagi i lena valaauga i le vaaiga a isi tagata.

    “E faapefea la ona faalautele e se tasi se valaauga? I le faia lea o tiute e tusa ai ma lena valaauga. E faalautele e se toeaina le valaauga faauuina o se toeaina e ala lea i le aoao po o a ona tiute i le avea ai ma se toeaina ma le faia o ia tiute. E faapea foi i se tiakono, o se aoao, o se ositaulaga, o se epikopo, ma i latou uma e umia tofi i le perisitua” (i le Conference Report, Ape. 2005, 59; po o le Liahona, Me 2005, 54).

Iakopo 1:19; 2:2. “Tauia i Luga o i Maua Agasala a le Nuu”

  • O i latou o e ua i ai se tiutetauave e taitai i le Ekalesia ua amoina e ia se tiutetauave mamafa. Na aoao mai Iakopo pe afai e tuulafoai e se taitai le aoaoina atu o le afioga a le Atua ia i latou ua valaaulia o ia e taitai, ua avea foi o ia o se tasi e tuuaia mo a latou agasala. Na faamatala auiliili mai e Peresitene Hugh B. Brown (1883–1975) o le Au Peresitene Sili, le tiutetauave ua faamalamalamaina mai e Iakopo:

    “Na saunoa mai Peresitene Ioane Teila i se tasi taimi, ao saunoa atu i uso a perisitua: ‘Afai tou te le faamamaluina o outou valaauga, o le a tuuaia outou mo i latou semanu tou te faasaoina, pe ana faapea tou te faia lo outou tiute.’

    “O se luitau lenei faaupuga. Afai o le mafuaaga o le a ou le maua ai le mea e tatau ona ou maua pe a mavae lenei olaga, ona o agasala o le le faia o mea e tatau ona fai po o le faia o mea e le tatau ona fai, e tatau ona ou puapuagatia ma, e le masalomia lava, faatasi ma e pele ia te au. Ae afai ou te toilalo i lou tiute o se epikopo, o se peresitene o le siteki, o se peresitene o le misiona, po o se tasi o le Au Pulega Aoao o le Ekalesia—afai e toilalo se tasi o i tatou e aoao atu, taitai, faatonu, ma fesoasoani e laveai i latou o i lalo o la tatou taitaiga ma la tatou puleaga, ona tuuaia lea o i tatou e le Alii pe afai e leiloloa i latou ona o le taunuuga o lo tatou toilalo” (i le Conference Report, Oke. 1962, 84).

Iakopo 2:8–10. Apoapoai “E tusa ma Poloaiga Sao a le Atua”

  • Nai lo le aoao atu “o le upu e faamalolo ai le agaga ua manua” (Iakopo 2:8) po o le tautala “le afioga malie a le Atua” (fuaiupu 9), na lagona e Iakopo le uunaiga mai le Alii e lauga atu i se mataupu lena, e faanoanoa ai, o le a “faateleina manua o i latou ua [uma] ona manunua” (fuaiupu 9). O nisi taimi o upu tuusa’o ma lu’iina ai, e manaomia pe a tagi atu se taitai perisitua i tagata o le Ekalesia e salamo.

    Na faamatalaina e Elder Jeffrey R. Holland o le Korama a Aposetolo e Toasefululua le paleni faigata o le aoaoina atu o le upu moni i le faaeteete ma le malosi:

    “Na faaaluina e Iakopo le tele o le sefulu fuaiupu e faatoese ai, e tusa ai, ma agasala e tatau ona ia lauga ai ma le gagana e tatau ona ia faaaogaina ao lauga atu ia te i latou. O loo ia taua na te faia lenei mea ma le ‘faautauta,’ ua sili ‘ona mafatia ai au ai aso ua alu atu i le manao ma le popole tele ona o le manuia o agaga [o e ua faalogologo]’ (Iakopo 2:2–3). O le iloaina o ia e pei ona tatou i ai, o le a tatou tetei pe a ia fai mai se isi mea e ese atu.

    “Faalogo i le leo faanoanoa o nei fuaiupu—e moni lava o le faavauvau o i latou—a o ia pulunaunau atu i le mea na ia masani ona manatu-tasi i ai—tumau ma faamaoni i le Atua ma Ana poloaiga.

    “‘E moni, ua tigaina ai lo’u agaga, ua memei ai au i le maasiasi i luma o Le na faia au, e molimau atu ia te outou e uiga i le agasala a o outou loto. …

    “‘O lea, ua mafatia ai lo’u agaga ina ua uunaia au ona o le poloaiga sao ua ou maua mai le Atua e apoapoai atu ia te outou e tusa ma a outou agasala, e faateleina manua o i latou ua uma ona manunua, ae le faamafanafana ma faamaloloina o latou manua, a o i latou ua le manunua, e le fiafia i latou i le afioga malie a le Atua, ae tuia o latou agaga i pelu ma manunua o latou mafaufau faapelepeleina.’ (Iakopo 2:6–7, 9.)

    “Ae tatou te lei oo atu i le mataupu lava ia ua tatou lagonaina, o le mea moni lava, o lenei ituaiga lauga lemaluelue ma le lototoa e tai tutusa lava le mamafa ia Iakopo ma lana au faalogologo tausalaina. Ae peitai atonu o le mea lea e tatau ona i ai i taimi uma, ma o le ala foi lea na avea ai Keriso ‘ma tagata faanoanoa’ i nisi taimi o ana lauga. E tatau ona tausia poloaiga, ae fetuuina agasala. Ae ao lava ina faia na tulaga lototoa i le agaalofa. E oo lava i perofeta sili ona pāū e tatau ona lauga mai le taele o se agaga maaleale” (“Jacob the Unshakable,” i le Heroes from the Book of Mormon [1995], 39–40).

  • Na aoao mai Elder Dallin H. Oaks o le Korama a Aposetolo e Toasefululua pe a lagona e taitai perisitua le “uunaiga” a le Agaga e tuuina atu apoapoaiga ma lapataiga, ua i ai i tagata o le Ekalesia le tiutetauave e faatino ai le aoaiga ma faatonuga ua tuuina atu ia te i latou:

    “O le vaiaso na tea nei na ou talanoa ai ma se tasi o le Korama e Toasefululua e uiga i manatu o isi na matou maua mai e faatatau i lauga o le konafesi o Aperila. Na fai mai lau uo na fai atu se tasi ia te ia, ‘Sa ou matua fiafia lava i lau lauga.’ Na ma malilie e le o le ituaiga lea o manatu ma te mananao e maua mai. E pei ona fai mai ai lau uo,‘Ou te lei tuuina atu lena lauga ina ia faafiafia ai. O le a lona manatu o ai au, o se tagata faafiafia?’ Sa faaopoopo mai se tasi o le korama i le talanoaga, ‘Ua faamanatu mai ai ia te au le tala a se faifeau lelei lava. Ina ua fai atu se tasi o le aulotu, “Sa ou matua fiafia lava i lau lauga ananei,” na tali atu le faifeau, “O lona uiga la, e te lei malamalama i la’u lauga.”’

    “Atonu tou te manatua o le konafesi o Aperila na ou talanoa atu ai e uiga i ponokalafi. E leai ma se tasi na‘fiafia’ i lena lauga—e leai se tasi! O le mea moni, e leai ma se mea faafiafia na i ai e oo lava ia te au.

    “Ou te taua nei talanoaga talu ai nei e aoao atu ai le mataupu faavae, o se savali e tuuina mai e se tasi o le Pulega Aoao i se konaesi—o se savali na saunia i lalo o le uunaiga a le Agaga ina ia faalautele ai le galuega a le Alii—e le tuuina atu e faafiafia ai. E tuuina atu ia musuia ai, ia siitia ai, ia lu’iina ai, po o le faasa’o ai. E tuuina atu ina ia lagona le uunaiga a le Agaga o le Alii, faatasi ai ma le taunuuga faamoemoeina ia aoao [le o loo faalogo] mai le lauga faapea foi mai le Agaga po o le a le mea e tatau ona ia faia i ai” (“The Dedication of a Lifetime” [OAE faeasaite mo autalavou matutua, Me 1, 2005], 1, www.ldsces.org).

Iakopo 2:12–19.
mau tauloto
“Ao Lei Saili e Outou le Oloa”

  • Oloa ma auro

    © Photospin

    Na aoao mai Iakopo e le tausalaina e le Atua tagata ona o a latou oloa. Nai lo lena, soo se tausalaga lava e sau mai le faamaualuga po o le faaaogaina sese o a latou oloa ua tele (tagai i le Iakopo 2:13–14). O nisi o le nuu o Nifae na filifili oloa nai lo le avea o le Atua ma totonugalemu o o latou olaga. O lo latou saili atu i le oloa na taitaiina atu ai i latou i le sauaina o o latou uso nai lo le fesoasoani atu i ai (tagai i le fuaiupu 18–19).

  • Peresitene Tavita O. MaKeiNa fautuaina i tatou e Peresitene Tavita O. MaKei (1873–1970) ia faaeteete e tusa ai ma mea tatou te sailia. E ui lava atonu tatou te maua toeitiiti lava o mea uma tatou te galulue i ai, atonu e maua mai i se tau maualuga: “O le a le mea tou te sailia muamua? O le a le mea tou te fiafia i ai e faamuamua, le manatu faasilisiliina i lou mafaufau? Po o le a lava lenei mea o le a fuafuaina lou taunuuga. … Atonu e te mauaina i lenei lalolagi soo se mea e te taumafai i ai. Afai e te galue mo le oloa, e mafai ona e maua, ae e te lei avea lena mea ma ou faamoemoega, tagai i tagata na na faataulagaina mea uma mo lenei faamoemoe, ia i latou na mananao i le oloa ma le faamoemoe ia mauoloa ai. E le faapi’opi’oina tagata e le auro; o le faamoemoega o le manaomia o lena auro e tupu mai ai le pi’opi’o” (Treasures of Life [1962], 174–75).

  • Na tuuina mai e Peresitene Boyd K. Packer, le Peresitene o le Korama a Aposetolo e Toasefululua, le aoaoga faaopoopo e uiga i sailiga o le olaga:

    “E mananao i maua i la ma fanau ma fanau a ma fanau ina ia iloa, o le filifiliga o le olaga e le o le filifili i le va o le lauiloa ma le le iloa, po o le filifili foi i le va o le mauoa ma le mativa. O le filifiliga e faia lea i le va o le lelei ma le leaga, ma o le mea moni o se tulaga lea e matua ese ai lava.

    “Afai o le a tatou malamalama lelei i lenei aoaoga, o le a amata atu i lea taimi ona le toe faia fuafua lo tatou fiafia i mea faaletino. E mafai ona tatou maua le fiafia e aunoa ma ia mea pe alualu foi i luma e tusa lava pe tatou te maua ia mea pe leai.

    “O le mauoa ma le tamaoaiga e le faapea e maua i taimi uma pe a galue ai ina ia maua. E le fuaina faatatau lo tatou taua i lo tatou lauiloa po o mea foi tatou te maua. …

    “O o tatou olaga ua fausia lea i le faitau afe ma afe o filifiliga e fai i aso uma. A mavae le tele ma tele o tausaga o le a fusifusia faatasi nei filifiliga laiti ma faaalia manino mai ai le tulaga e i ai lo tatou taua.

    “Ou te toe faapea atu o le tofotofoga sili ona taua i le olaga, e le faaautu lea i le filifiliga i le va o le lauiloa ma le le iloa, po o se filifiliga foi i le va o le mauoa ma le mativa. O le filifiliga sili o le olaga o le filifiliga lea i le va o le lelei ma le leaga” (i le Conference Report, Oke. 1980, 28–29; po o le Liahona, Ape. 1981, 40).

Iakopo 2:17. “Tufatufa Atu a Outou Mea”

  • I le Ekalesia a Iesu Keriso o le Au Paia o Aso e Gata ai, o taulaga anapogi e fesoasoani i e matitiva ma lē tagolima. Ua faamalosia e taitai o le Ekalesia tagata ia lima foai ia latou foai. Na tuuina mai e Elder Joseph B. Wirthlin (1917–2008) o le Korama a Aposetolo e Toasefululua le fautuaga e tusa ai ma le aofai e tuuina atu:

    “E fia ni tupe e tatau ona tatou totogi atu i le taulaga anapogi? Ou uso e ma tuafafine, o le aofaiga o la tatou taulaga ina ia faamanuiaina ai e matitiva o le aofaiga foi lena o lo tatou lotofaafetai i lo tatou Tama Faalelagi. Po o le a teenaina ea e i tatou ua sili ona faamanuiaina i latou o loo moomia la tatou fesoasoani? O le totogiina o se taulaga anapogi lotofoai o se fuataga lea o lo tatou naunau e faapaiaina o tatou tagata ina ia faamamaina ai mafatiaga o isi.

    “Na fautua mai Brother Marion G. Romney, le na avea ma epikopo o la matou uarota ina ua valaauina au i se misiona ma le na avea mulimuli ane ma se tasi o le Au Peresitene Sili o le Ekalesia:

    Fast offerings“‘Ia e agalelei i mea e te foai atu, ina ia mafai ai ona faatupuina ai oe lava. Aua le na o le foai atu mo le faamanuiaina o e matitiva, peitai ia foai ina ia mafai ona e tuuina atu oe lava i le malo o le Atua e ui mai i le tuuina atu o au mea atoa ma lou taimi’ (Ensign, July 1982, 4)” (i le Conference Report, Ape. 2001, 97; po o le Liahona, Iul. 2001, 90).

Iakopo 2:20–22. “Faamaualuga i o Outou Loto”

  • O le faamaualuga e ta’ua i nisi taimi o le agasala tele o le agaga; o le agasala lea a Satani i le muai olaga (tagai i le Isaia 14:12–14; Mose 4:1–2). Ma le isi foi, o le faamaualuga e taitai atu ai i le toilalo ma le faatafunaga e pei ona lapataia soo ai i tatou e le Alii:

    “Ia faaeteete i le loto maualuga, ina nei oo atu i le faaosoosoga” (MFF 23:1).

    “Aua ua lata mai le ituaso ma ua lata mai le aso e afu ai le lalolagi; o e faamaualuga uma ma i latou na fai amioleaga o le a faapei o tagutugutu o saito; o le a ou susunuina i latou, ua fetalai mai ai le Alii o Au, ina ia le toe i ai se amioleaga i le fogaelelele” (MFF 29:9).

    “Aua le maasiasi, pe faafememeaiina; a ia apoapoaiina i lo outou loto maualuga uma ma loto fia sili, aua e maileia ai o outou agaga” (MFF 90:17).

    “O le faamaualugaina o ia lava e faamaulaloina, ao le faamaulaloina o ia lava e faaeaina” (MFF 101:42).

Iakopo 2:23–30. Au Taunonofo

  • Na aoao manino atu e Iakopo e le finagalo le Alii i sa Nifae e faia soo se ituaiga o au taunonofo. Na ia tauina atu e tatau i alii ona na o le tasi le ava vagana ua poloai mai le Alii (tagai i le Iakopo 2:27–30). Na tuuina mai e Peresitene Gordon B. Hinckley (1910–2008) le tulaga o le Ekalesia i le faia o ava e toatele:

    “Ou te fia tautino maumaututu atu lava o lenei Ekalesia e leai lava ma se mea e aafia ai ma i latou o loo faia au taunonofo. O i latou e le o ni tagata o lenei Ekalesia. O le toatele o i latou e lei avea lava ma ni tagata o le Ekalesia. O loo latou solia le tulafono faalemalo. Ua latou iloaina o loo latou solia le tulafono. Ua latou loto i ona faasalaga. E matua leai lava, se uunaiga a le Ekalesia, i lenei mataupu.

    “Afai e maua nisi o o matou tagata o faia au taunonofo, ua tape o latou igoa ma le Ekalesia. O le faasalaga sili ona matuia lea e mafai ona faia e le Ekalesia. E le gata i e o aafia sao lava i le solia o tulafono faale-malo, ae ua latou solia foi le tulafono a lenei Ekalesia. Ua i ai se mataupu faavae o lo matou faatuatuaga ua fusia ai i matou. E faapea, ‘Matou te talitonu i le usiusitai i tupu, peresitene, faipule, ma faamasino, i le usiusitai, faamamalu, ma lagolagoina le tulafono’ (Mataupu Faavae o le Faatuatua 1:12). E le mafai e se tasi ona usitai i le tulafono ma lē usitai foi i le tulafono i le taimi lava e tasi. …

    Peresitene Uilifoti Uitilafi“Ua silia ma le seneturi talu ai, na faaali manino mai ai e le Atua i Lana perofeta o Uilifoti Uitilafi o le faia o au taunonofo, ua tatau ona faamutaina, o lona uiga, ua le tusa ai ma le tulafono a le Atua. E oo lava i atunuu e faatagaina ai i tulafono faalemalo pe faale-lotu au taunonofo, ua aoaoina e le Ekalesia o faaipoipoga e tatau ona tasi le tane tasi le ava, ma e le taliaina e avea ma tagata o le ekalesia i latou e fai au taunonofo” (i le Conference Report, Oke. 1998, 92; po o le Liahona, Ian. 1998, 82–85).

Iakopo 2:28. Legavia

  • Na faamalamalama manino mai e Elder Richard G. Scott o le Korama a Aposetolo e Toasefululua le tulafono o le legavia ina ua ia aoao atu: “Soo se uiga feusuai lava i fafo atu o noataga o le faaipoipoga —o le uiga o lau tala, soo se taumafaiga lava e fesootai atu i itu tino sa o le tino, tusa pe o fai ni lavalava pe leai foi—o se agasala ma e faasaina e le Atua. O se agasala foi lou taumafai e faaosofia nei lagona i lou lava tino” (i le Conference Report, Oke. 1994, 51; po o le Liahona, Iul. 1995, 44).

    Na faamaonia mai foi e Elder Scott le faatagaga mai le Atua o le faaipoipoga faaleulugalii, e faapea foi le teena paia o le le mama tau feusuaiga. Na ia lapatai mai:

    “O na uiga feusuai e le faatagaina e le Alii ona faaaoga i fafo atu o tautinoga tumau o le faaipoipoga. I totonu o osiga feagaiga paia o le faaipoipoga o na fegalegaleaiga ua tusa ai ma Lana fuafuaga. A faataunuuina i se isi lava tulaga, o le a le tusa ma Lona finagalo. Latou te aumaia lagona matuia ma le faatamaiaga faaleagaga. E ui lava ina e le o iloa e i latou o loo faia, ua tupu ia mea, o le a latou iloa lava i se taimi.

    “O feusuaiga le mama e tulai mai ai se pa pupuni i faatosinaga a le Agaga Paia ma avanoa lelei uma e siitia ma faamalamalamaina ai. O feusuaiga le mama e mafua mai ai lagona malolosi faaletino ma lagona faaosofia. E i ai taimi na te faatupuina ai se lagona faatosina e taitaiina atu ai le ua solitulafono i se agasala sili atu. Na te faatupuina le faaloloto ma e mafai ona tulai mai ai le faatupu vevesi, faapau pepe, faaaoga faale-tatau o le mana o le foafoaga ma solitulafono mamafa. O na lagona faatosina e mafai ona oo atu ai i uiga faaulugalii o alii, ma o amio faatiapolo na ma le matua sese” (i le Conference Report, Oke. 1994, 50–51; po o le Liahona, Ian. 1995, 45).

Iakopo 2:31–35. “Ua Oti Nisi e Toatele, ona ua Tuia i Manua Leaga”

  • E toatele tane sa Nifae na tuimomomoina loto o a latou ava ma ua mavae le faatuatua o a latou fanau. E mafai ona faaleagaina aiga pe afai e solia le tulafono o le legavia. Na faamalamalama mai e Elder Neal A. Maxwell (1926–2004) o le Korama a Aposetolo e Toasefululua le ala e aafia ai isi tagata i taunuuga o le agasala nai lo le na ona faataunuuina:

    “O le le mama ma le le faamaoni e oo mai ai taunuuga matuia e pei o taunuuga o’oo’o ma le taufaamatau o le tofale ma le leai o ni tamā o fanau, faatasi ai ma faamai ma le lepetia o aiga. Ua matua tele lava faaipoipoga ua na o se pitofilo o mau ai pe ua malepelepe foi. …

    “O le mea lea, o le tausia o le tulafono lona fitu o se talipupuni matuai taua tele! (tagai i le Esoto 20:14). O le tuuina i lalo po o le aveesea o lena talipupuni, o le a le maua ai foi faamanuiaga o le lagi e matua manaomia. E leai se tagata po o se malo e mafai ona olaola umi e aunoa ma na faamanuiaga” (i le Conference Report, Oke. 2001, 96; po o le Liahona, Ian. 2002, 90).

Iakopo 3:10. Faafanoga ona o Faataitaiga Leaga

  • O fanau e masani lava ona aoao mai faataitaiga e faia e i latou o siomia ai i latou. O le mea e faanoanoa ai, o se faataitaiga amioletonu e mafai ona i ai se faatosinaga matautia i fanau laiti. Na lapatai mai Elder Vaughn J. Featherstone o le Fitugafulu, “O se upu i tagata matutua ma matua: Na fautua mai le tama o Elder Bruce R. McConkie [Oscar Walter McConkie] e faapea, afai tatou te solia soo se poloaiga, e tusa lava pe laitiiti, e mafai e o tatou talavou ona filifili e solia se poloaiga mulimuli ane i le olaga atonu e faasefuluina pe faaselauina le leaga ma faamaonia mai e faavae lea i le poloaiga laitiiti lea na tatou solia (i le Conference Report, Oke. 1999, 15; p o o le Liahona, Ian. 2000, 16).

  • Na lapataia matua o le Ekalesia e Elder Jeffrey R. Holland o le Korama a Aposetolo e Toasefululua ia faaali atu le faatuatua patino ma le amiotonu ia latou fanau:

    “Ou te manatu o nisi matua atonu e le malamalama e tusa lava pe latou te lagonaina le saogalemu i o latou lava mafaufau e faatatau i mataupu o se molimau a le tagata lava ia, e le mafai lava ona latou faaali atu ia latou fanau ua latou umia lena faatuatua. E mafai ona tatou matuai malolosi i le talalelei, ma o ni Au Paia o Aso e Gata ai e toaaga i le lotu, ae afai tatou te le ola i ni olaga faamaoni i le talalelei ma aoao atu ia tatou fanau talitonuga malosi mai le loto e uiga i le moni o le Toefuataiga ma le taitaiga faalelagi a le Ekalesia, e amata mai le Uluai Faaaliga e oo mai i le taimi nei, atonu o na fanau, i lo tatou faanoanoa ae le o le faateia, o le a latoule tuputupu ae ma lē mafai ona iloa se malolosi, o ni Au Paia o Aso e Gata ai e o i sauniga po o nisi taimi e soo se mea lava e taulalata ane i ai.

    “E lei mamao atu sa ma feiloai atu ai ma Sister Holland i se alii talavou lelei lava sa matou fetaui ina ua uma ona ia fealualuai solo i faataulaitu ma sailiili i se vaega o lotu mai Sasae, i se taumafaiga ina ia saili i talitonuga faalelotu. Sa ia ta’ua, o lona tama e le talitonu lava i se mea. Peitai, o lona tamamatua, sa avea o se tagata o le Ekalesia o le Au Paia o Aso e Gata ai. ‘Ae e lei ola ai i le talalelei,’ o le tala lea a le alii talavou. ‘Sa masani ona faailoga fesili ia te ia le Ekalesia.’ Mai se tamamatua o le sa masalosalo i se atalii e le talitonu e i ai se Atua, i se atalii o lona atalii o le o loo matuai sailiili nei mo le mea sa tuuina mai muamua e le Atua i lona aiga! …

    “Ina ia taitai ese mai se tamaitiiti (pe so o se isi lava!), e tusa lava pe lei fuafuaina, mai le faatuatua, mai le faamaoni ma le talitonuga maumaututu, ina ia faaalia ai lo tatou faafia atamai po o le fia tutoatasi, e lei tuuina atu lava se faatagaga i se matua po o se isi lava e faia ai. …

    “Ia ola i le talalelei i le malosi e te mafaia ia iloagofie ai. Ia tausia feagaiga ua iloa e lau fanau ua uma ona e osia. Tuu atu ni faamanuiaga faaleperisitua. Ma ia faailoa atu lau molimau! Aua e te manatu o le a malamalama lau fanau lava ia i ou talitonuga.” (i le Conference Report, Ape. 2003, 91–92; po o le Liahona, Me 2003, 86).

Iakopo 3:11.“O Le Oti Faalua”

  • O le oti faalua ua taua foi o le oti faaleagaga. Ua faamatalaina e le Guide to the Scriptures o le oti faaleagaga o le “teteaese lea mai le Atua ma ana uunaiga.” O le oti faaleagaga po o le oti faalua na taua e Iakopo e “tupu pe a mavae le oti o le tino faaletino. O le a faamasinoina uma lava tagata toetutu ma le tiapolo ma ana agelu. O e na tetee ma le loto fuatiaifo i le malamalama ma le upu moni o le talalelei o le a puapuagatia i le oti faaleagaga. … (Alema 12:16; Hel. 14:16–19; MFF 76:36–38)” (Guide to the Scriptures, “Death, Spiritual”).

Iakopo 4:5. Tapuai i le Tama i le Suafa o Iesu Keriso

  • Ua Osia e Atamu ma Eva le taulaga

    ©1995 Del Parson

    Ua tuuina mai e tusitusiga a Iakopo ia i tatou se vaaiga taua i le tulafono a Mose ma le Feagaiga Tuai. I le Iakopo 4:5 ua tatou aoao aiΩi perofeta o le Feagaiga Tuai i luma atu o le taimi o Iakopo na silafia o Keriso ma le Tama o tagata mavaevae ma na tapuai sao lava i le Tama i le suafa o Keriso. Na faamanino mai e upu aΩIakopo o le tulafono a Mose sa sili atu nai lo se tulafono o poloaiga saua ma aiaiga faaletulafono, e pei ona finau ai nisi tagata aoaoina o ona po nei. Na molimau mai le tulafono a Mose ia Iesu Keriso ma na taitaia e amiotonu i le faamamaina e ala atu i le Togiola a Iesu Keriso.

Iakopo 4:10. “Aua le Saili e Faatonu atu i le Atua”

  • Na faamalamalamaina e Peresitene Marion G. Romney (1897–1988) o le Au Peresitene Sili le uiga o le “faatonu atu i le Atua”: “O lenei ou te le manatu e toatele tagata o le Ekalesia e uunai atu ma le iloa faatosinaga a tagata po o a latou lava fautuaga nai lo le faalogo i fautuaga a le Alii. Ae ui i lea, afai tatou te le tuu atu i tatou lava i fautuaga a le Alii, ua afaina i tatou i le suia o Ana fautuaga ia i tatou lava. O le mea moni lava, e leai se isi mea e mafai ona tatou faia nai lo le mulimuli loa ia tatou lava fautuaga pe a tatou le iloa faatonuga a le Alii” (“Seek Not to Counsel the Lord,” Ensign, Aok. 1985, 5).

Iakopo 4:14–18. “Vaavaai i tala atu o le Faailoga”

  • Ao avea ai o se Fitugafulu, na faamalamalamaina e Elder Dean L. Larsen o Isaraelu anamua “na oo ia te i latou faigata” aua na latou “tuuina i latou lava i se tulaga matautia i mea faaleagaga ona ua latou teena mataupu autu faigofie o le upu moni. Ua latou faamalie i latou lava i ‘mea ua le mafai ona lagona’ (Iakopo 4:14). Ma ua foliga mai ua mafatia ai i latou i talitonuga sese ua mafua ai ona faamaualuga valea i e ua o mai ia te i latou ma upu malamalama a le Alii. Ua latou saili atu i ona tala atu o le faailoga o le poto ma le faamasinoga tonu, ma ua le mafai ai ona tutu i totonu o le lio o upu moni o le talalelei e faatupuina ai le faatuatua. E foliga mai ua latou fiafia e talanoa ma mafaufau i mataupu sese ma ua latou manatu faatauvaa ai i upu moni faaleagaga. Ina ua tosina atu o latou loto i nei mea ua ‘le mafai ona latou lagona pe malamalama ai,’ ua aveesea ai lo latou malamalama ma le faatuatua i le galuega togiola a le Mesia moni, ma ua latou le iloa ai le faamoemoega moni o le olaga. O se suesuega i le talafaasolopito o Isaraelu ua faamautu ai upu faatusa a Iakopo” (i le Conference Report, Oke. 1987, 11–12; po o le Liahona, Ian. 1988, 10).

  • Na faamalamalamaina e Elder Neal A. Maxwell le ala e aloese ai mai le “vaavaai atu i ona tala atu o le faailoga” i aso nei: “O lenei tauaso matautia lea na taitai atua i le teenaina o na mea moni na fofogaina e perofeta ma na punitia ai le malamalamaaga ia Keriso po o ai o ia, ia Iakopo, na oo mai i le ‘vaavaai atu i ona tala atu o le faailoga.’ O i latou e vaai i ona tala atu o le faigofie, tala atu o perofeta, tala atu o Iesu, ma tala atu o ana aoaoga faatauvaa na faatali fua i na aso, e pei ona latou faatali fua nei. Ona na o le talalelei a Iesu Keriso e aoaoina mea e pei ona i ai nei ma e pei ona o le a oo mai lava” (“On Being a Light” [lauga na tuuina atu i le Salt Lake Institute of Religion, Ian. 2, 1974], 1).

Manatu e Mafaufau Loloto i ai

  • Na taua e Iakopo na ia maua mai lana “feau mai le Alii” (Iakopo 1:17). O le a le mea e tatau ona fai e se tagata ina ia maua se feau mai le Alii?

  • Na aoao mai Iakopo e tatau ona tatou fai lelei le tasi i le tasi o se atalii taua o le Atua (tagai i le Iakopo 2:21). E faapefea ona e faia lea mea i le atoatoa?

  • O a nisi o taunuuga, o le taimi nei ma le lumanai, e oo mai pe a solia e se tasi le tulafono o le legavia? O le a le mea ua e filifilia e fai ina ia e le solia lenei poloaiga paia a le Atua?

  • O le a le uiga o le “faatonu atu i le Atua” nai lo le “talia faatonuga mai lona aao?” (Iakopo 4:10).

Galuega Fautuaina

  • Fai se lisi o fautuaga a le Alii e uiga i mataupu tau tupe mai mau nei: Iakopo 2:12–19mau tauloto; Mosaea 4:16–26. Faaaoga le lisi na e tuufaatasia e atiina ae ai ni nai taiala tautupe e te mulimuli ai i lou olaga.

  • Ina ua maea le faitauina o le fautuaga a Nifae ia Iakopo e uiga i mea e tusia i papatusi laiti i le Iakopo 1:1–4, fai se fuafuaga e faaleleia ai le malosiaga o lou talaaga patino.