Դաս 15․ Ուսուցչի նյութ

Ավելի մոտենալ Հիսուս Քրիստոսին հաղորդության միջոցով

Փիթեր Մ. Ջոնսոնը Յոթանասունից ուսուցանել է. «Հաղորդության հետ կապված կա հոգևոր լուսավորում՝ այն անձնական է, զորեղ է և անհրաժեշտ» («Զորություն հաղթելու հակառակորդին», Լիահոնա, նոյ. 2019, 112)։ Այս դասին ուսանողները հնարավորություն կունենան կիսվելու, թե ինչպես հաղորդությունը կարող է լինել անձնական և հզոր ազդեցություն իրենց կյանքում: Նրանք նաև կքննարկեն, թե ինչ կարող են անել՝ ավելի լավ գալու դեպի Փրկիչը, երբ իրենք վերցնում են հաղորդությունը և ձգտում մշտապես հիշել Նրան:

Ուսուցման առաջարկներ

Հիսուս Քրիստոսը հաստատեց հաղորդությունը՝ որպես Իր մեծ քավիչ զոհաբերության հիշեցում:

Հիշեցրեք ուսանողներին, որ նախորդ գիշերը Իր Խաչելությունից առաջ, Փրկիչը կերավ Զատիկի ուտելիքը Իր աշակերտների հետ: Այդ ճաշի ընթացքում Փրկիչը ներկայացրեց հաղորդությունը:

Բարելավել մեր ուսուցումն ու ուսումնառությունը

Ուսանողներին առաջարկեք պատկերացնել սուրբ գրությունների հատվածներն ու պատմությունները: Սա կարող է օգնել նրանց ավելի մեծ հասկացողություն և կարեկցանք ձեռք բերել նրանց հանդեպ, ում մասին նրանք սովորում են: Դա կարող է օգնել նրանց զգալ սկզբունքների ճշմարտությունն ու կարևորությունը, որոնք իրենք ուսումնասիրում են:

Որպեսզի օգնեք ուսանողներին զգալ Վերջին ընթրիքի կարևորությունը, դուք կարող եք ցուցադրել իրադարձությունը պատկերող պատկեր և հրավիրել ուսանողներից մեկին բարձրաձայն կարդալ Մատթեոս 26.19–20, 26–30 հատվածները (կարող եք նաև նշել Ջոզեֆ Սմիթի Թարգմանության մեջ ներառված հավելումները) կամ դիտել մաս «The Last Supper» տեսաֆիլմից (ժամանակային կոդ 2:14 -ից մինչև 3:16-ը)։ Հրավիրեք ուսանողներին պատկերացնել, թե ինչ կզգային, եթե ներկա լինեին այնտեղ, երբ Փրկիչն առաջին անգամ սպասավորեց հաղորդությունը: Խրախուսեք մի քանի ուսանողների կիսվել իրենց մտքերով կամ զգացածով:

Մտածեք հրավիրել ուսանողներին պատկերացնել, որ իրենք Քրիստոնյա չեն և ականատես են լինում Եկեղեցու ժողովում առաջին անգամ հաղորդության սպասավորմանը: Ժողովի ժամանակ հավաքվածները երգում են «Jesus of Nazareth, Savior and King» (Hymns, no. 181) հիմնը և հաղորդության հացն ու ջուրը օրհնվում է և բաժանվում: (Կարող է օգտակար լինել հանձնարարել ուսանողներին կարդալ այդ հիմնի խոսքերը:) Հրավիրեք ուսանողներին գրել մի քանի հարց, որ գուցե ունեն հաղորդության վերաբերյալ, եթե նրանք Քրիստոնյա չլինեին:

Ուսանողներն իրենց հարցերը գրելուց հետո, խնդրեք նրանց կազմավորել փոքր խմբեր: Հրավիրեք խմբի անդամներին հերթով հարցնել և պատասխանել իրենց հարցերին:

Երբ ուսանողները քննարկում են իրենց հարցերը, շրջեք սենյակով և լսեք, թե ինչով են կիսվում: Ելնելով ձեր լսածից՝ որոշեք, թե արդյոք հետևյալ հարցերից որևէ մեկը կօգնի ձեր ուսանողներին ավելի խորը սովորել դասարանի քննարկման ժամանակ.

• Ի՞նչ են ներկայացնում հաղորդության խորհրդանիշները: (Ուսանողները կարող են բացահայտել նմանատիպ ճշմարտություն․ Հացն ու գինին կամ ջուրը ներկայացնում են Հիսուս Քրիստոսի մարմինն ու արյունը և Նրա Քավությունը մեզ համար:)

• Ի՞նչ են սովորեցնում սուրբ գրությունները Փրկչի մասին`հացի, գինու և ջրի խորհրդանիշների միջոցով Ինչո՞ւ է նշանակալից, որ հացը ուտելուց առաջ այն կիսվում է։

• Ինչո՞ւ է կարևոր, որ մենք ուտենք հացը և խմենք ջուրը և ոչ թե ուղղակի նայենք դրանց: (Կարող եք վերանայել նախապատրաստական նյութի բաժին 1-ում հատվածի կետերը ձեր քննարկումը բարելավելու համար։)

Կարող եք հրավիրել ուսանողներին խորհել հաղորդության խորհրդանիշների կարևորության մասին և թե ինչպես դրանք կարող են օգնել մեզ հիշել Փրկչի զոհաբերության անհատական բնույթի մասին:

Մենք ավելի ենք մոտենում Փրկչին, երբ խորամտությամբ ենք ճաշակում հաղորդությունից.

Ցուցադրեք հետևյալ սցենարը.

Չնայած Ջուլիան դա չի ուզում, նա հաճախ ձանձրանում է հաղորդությունը բաժանելու ժամանակ: Նա գիտի, որ դա կարևոր է, բայց չի կարողանում դա զգալ: Երբ հաղորդությունը մատուցվում է հավաքվածներին, նա հաճախ այնպիսի բաների մասին է մտածում, ինչպիսիք են աշխատանքային և դպրոցական առաջադրանքները, իր հասարակական կյանքը և այն, թե ինչ է նա անելու եկեղեցուց հետո։ Երբեմն նա իր հեռախոսով թերթում է սոցիալական ցանցերում:

• Ինչպե՞ս կնկարագրեիք Ջուլիայի վերաբերմունքը հաղորդության հանդեպ: Ի՞նչ հնարավորություններ և օրհնություններ կարող է բաց թողնել Ջուլիան` հաղորդության հանդեպ իր վերաբերմունքի պատճառով:

• Ի՞նչ եք կարծում, ինչպե՞ս կարող էր փոխվել Ջուլիայի փորձառությունը, եթե Փրկիչն ինքը մատուցեր նրան հացն ու ջուրը:

Հրավիրեք մի քանի ուսանողների լուռ կրկնել 3 Նեփի 18.7, 10–12, 20.8–9 հատվածները, մի քանիսը կարդան Վարդապետություն և Ուխտեր 20.77, 79 հատվածները, և մի քանիսն էլ ուսումնասիրեն Քույր Չերիլ Ա. Էսփլինի խոսքերը նախապատրաստական նյութի բաժին 2-ում: Հրավիրեք ուսանողներին փնտրել հաղորդության հետ կապված տարբեր սկզբունքներ, տեսակետներ և օրհնություններ: Դուք կամ նրանք կարող են նաև գրել իրենց գտածները գրատախտակին:

Մինչ ուսանողները կիսվում են իրենց գտածով, դուք կարող եք հրավիրել նրանց կիսվել անձնական փորձառություններով կամ օրինակներով, որոնք կապված են իրենց գաղափարների հետ: Նրանք կարող են նաև կիսվել այն մարդկանց օրինակներով կամ փորձառություններով, ում հետ զրուցել են դասին նախապատրաստվելիս (տես«Քննարկում դասի նախապատրաստման ժամանակ», նախապատրաստական նյութի 2-րդ բաժնում:)

Մինչ ուսանողները քննարկում են, թե ինչ է նշանակում՝ միշտ հիշել Փրկչին, կարող եք հարցնել.

• Ինչպե՞ս կարող է միշտ Փրկչին հիշելն ազդել մեր ամենօրյա կյանքի վրա: Ինչպե՞ս կարող եք դա ավելի լավ անել շաբաթվա ընթացքում:

Կարող եք ժամանակ տրամադրել ուսանողներին` խորհելու և գրելու համար հաղորդությանը իրենց անհատական մասնակցության մասին: Գուցե նրանք մտածեն, թե ինչպես բարելավեն իրենց փորձառությունը հաղորդության ընթացքում և «Նրան միշտ հիշելու» իրենց ջանքերը (Վարդապետություն և Ուխտեր 20.77):

Եթե ուսանողները հարցեր ունեն հաղորդությունը վերցնելու արժանավորությանմասին, կամ եթե դուք զգում եք, որ պետք է քննարկեք այդ թեման դասարանի հետ, դիմեք նախապատրաստական նյութի բաժին 3-ին: Դուք կարող եք հարցնել․

• Մեզ համար ինչո՞ւ է կարևոր «փորձել» մեր անձերը, երբ պատրաստվում ենք ընդունել հաղորդությունը (տես Ա Կորնթացիս 11.27–29)։

• Ինչպիսի՞ն են ձեր զգացումները երեց Ջոն Հ. Գրոբերգի հաղորդությունն ընդունելու արժանի լինելու մասին հայտարարության վերաբերյալ (նախապատրաստական նյութի 3-րդ բաժնից): Ինչպե՞ս կարող է այս խորհուրդը հույս տալ նրանց, ովքեր մաքառում են թուլությունների, մեղքերի կամ այլ մարտահրավերների հետ:

Դասն ավարտելու համար` ձեր ուսանողները կամ դուք կարող եք վկայություն հայտնել այն մասին, թե ինչպես է հաղորդության արարողությունն օգնում մեզ գալ դեպի Փրկիչը: Կամ ուսանողները կարող են կիսվել, թե նրանք ինչ են զգացել և սովորել այդ դասից:

Հաջորդ անգամ

Որպեսզի խրախուսեք նախապատրաստվել հաջորդ դասի համար, կարող եք շաբաթվա ընթացքում ուղարկել հետևյալ հաղորդագրությունը (կամ ձեր սեփականը) ուսանողներին. Երբ ուսումնասիրեք նախապատրաստական նյութը, մտածեք այն մասին, թե ինչու է Հիսուս Քրիստոսի Քավությունը ամենակարևոր իրադարձությունը մարդկության պատմության մեջ:

Դուք կարող եք նաև ուղարկել «Because of Him: Easter Video» տեսաֆիլմի կապուղին (2:36):