Դաս 23. Դասի նախապատրաստական նյութ․ Ապրել հույսով, մինչ պատրաստվում ենք Հիսուս Քրիստոսի Երկրորդ Գալուստին
«Դաս 23. Դասի նախապատրաստական նյութ. Ապրել հույսով, մինչ պատրաստվում ենք Հիսուս Քրիստոսի Երկրորդ Գալուստին», Հիսուս Քրիստոսը և Նրա հավիտենական ավետարանը․ Ուսուցչի նյութ (2023)
«Դաս 23. Դասի նախապատրաստական նյութ», Հիսուս Քրիստոսը և Նրա հավիտենական ավետարանը․ Ուսուցչի նյութ
Նկար
Երկրորդ Գալուստը, նկարը՝ ըստ Հարրի Անդերսոնի
Դաս 23․ Դասի նախապատրաստական նյութ
Ապրել հույսով, մինչ պատրաստվում ենք Հիսուս Քրիստոսի Երկրորդ Գալուստին
Որոշ մարդիկ նայում են Տիրոջ Երկրորդ Գալուստին վախով և մտահոգությամբ: Մյուսները սպասում են ուրախությամբ: Տասներկու Առաքյալների Քվորումից երեց Նիլ Լ. Անդերսենն ասել է. «Ոչինչ այնքան չի մեծացնում Քրիստոսի մասին խոսելու իմ ցանկությունը, որքան Նրա վերադարձը պատկերացնելը» («Մենք խոսում ենքեՔրիստոսի մասին», Լիահոնա, նոյեմեբր 2020, 91): Երբ ուսումնասիրում եք, խորհրդածեք Քրիստոսի վերադարձի վերաբերյալ ձեր զգացումների մասին, և թե ինչպես կարող է հավատքով պատրաստվելը մեծացնել ձեր հույսը:
Բաժին 1
Ինչպե՞ս կարող է Փրկչի Երկրորդ Գալուստի և Նրա հազարամյա թագավորության ճիշտ ըմբռնումը ինձ հույս և խաղաղություն բերել
Երբ Ձիթենյաց սարի վրա Հիսուսն ուսուցանեց Իր աշակերտներին, Նա հայտնեց այն նշաններն ու իրավիճակները, որոնք կնախորդեն Իր Երկրորդ Գալուստին: Փրկիչը հայտարարեց, որ կլինեն կեղծ Քրիստոսներ, կեղծ մարգարեներ, պատերազմներ, պատերազմների լուրեր, սով, համաճարակներ, երկրաշարժեր, անօրինություն և նշաններ երկնքում (տես Ջոզեֆ Սմիթ—Մատթեոս 1.22–23, 28–30, 33):
Փրկչի հնադարյան աշակերտների նման գուցե դուք էլ անհանգստանաք Նրա գալստյան նշաններից: 1831 թվականին Մարգարե Ջոզեֆ Սմիթը մի հայտնություն ստացավ, որով տվեց Տիրոջ հեռանակարը այդ նշանների վերաբերյալ:
Կարդացեք Վարդապետություն և Ուխտեր 45.34–35, 38–39 հատվածները` փնտրելով, թե Հիսուս Քրիստոսն ինչպես կկամենար, որ մենք դիտարկեինք Իր Երկրորդ Գալուստի նշանները: Նկատի ունեցեք, որ վախը ինչպես օգտագործվում է հատված 39-ում նշանակում է ակնածանք, երկրպագություն և հարգանք:
Կարևոր է հիշել, որ Տիրոջ Երկրորդ Գալուստի նշանները ներառում են նաև Նրա ավետարանի Վերականգնման հետ կապված իրադարձությունները: Մտածեք, թե ինչպես է Մորմոնի Գրքի ի հայտ գալը, քահանայության վերականգնումը, ապրող առաքյալներն ու մարգարեները, միսիոներական աշխատանքը, տաճարային և ընտանեկան պատմության աշխատանքը, ինչպես նաև Իսրայելի հավաքումը նախապատրաստում մեզ Փրկչի վերադարձին (տես Մաղաքիա 4.5–6, Հայտնություն 14.6–7, 1 Նեփի 21.13–26, 3 Նեփի 21.1–11, Վարդապետություն և Ուխտեր 1.14, 17–18, 65):
Երկրորդ Գալուստին կհետևի Հազարամյակը: Հազարամյակի ընթացքում «Քրիստոսն անձամբ կթագավորի երկրի վրա» հազար տարի (Հավատո Հանգանակ 1.10): Մի հայտնություն` ստացված Մարգարե Ջոզեֆ Սմիթի միջոցով, հաղորդում է, թե կյանքն ինչպիսին կլինի Հազարամյակի ընթացքում:
Երբ մտածում եք Փրկչի վերադարձի և Նրա հազարամյա թագավորության մասին, մտածեք, թե Տասներկու Առաքյալների Քվորումից երեց Ռոնալդ Ա. Ռասբանդի հետևյալ խորհուրդը ինչպես կարող է կիրառվել ձեր կյանքում:
Նկար
Երեց Ռոնալդ Ա. Ռասբանդ
Անկախ այն բանից, թե որքան շատ են ամբարշտությունն ու քաոսն աշխարհում, մեզ խոստացվել է մեր ամենօրյա հավատարմությամբ առ Հիսուս Քրիստոս «Աստուծոյ խաղաղութիւնը, որ ամեն մտքից վեր է» [Փիլիպպեցիս 4.7]: Եվ երբ Քրիստոսը գա իր ողջ զորությամբ ու փառքով, չարը, խռովությունը և անարդարությունը կվերանան: …
… Այո, մենք ապրում ենք «չար ժամանակներում», բայց երբ կանգնում ենք ուխտի արահետին, մենք չպիտի վախենանք: Ես օրհնում եմ ձեզ, որ երբ դուք այդպես վարվեք, ձեզ չեն անհանգստացնի այն իրադարձությունները, որոնք կատարվում են ձեր շուրջը կամ դժվարությունները, որոնք հանդիպում են ձեր ճանապարհին: … Ես օրհնում եմ ձեզ, որ դուք հավատաք Հիսուս Քրիստոսի խոստումներին, որ Նա ապրում է, Նա հսկում է մեզ, հոգ է տանում մեր մասին և կանգնած է մեր կողքին: («Մի անհանգստացեք», Լիահոնա, նոյեմբեր 2018, 19, 21)։
Ի՞նչ մտքեր և զգացումներ եք ունենում, երբ պատկերացնում եք Փրկչի վերադարձը և Նրա հազարամյա թագավորությունը: Կենտրոնանալով Հիսուս Քրիստոսի վրա՝ ինչպե՞ս կարող եք մեծացնել ձեր հույսի և խաղաղության զգացումները, երբ վերջին օրերին բախվեք դժվարությունների:
Բաժին 2
Ինչպե՞ս կարող եմ ավելի լավ պատրաստել ինքս ինձ և ուրիշներին Տիրոջ վերադարձի համար
Երկրորդ Գալստյան նշանների հետ կապված (տես Մատթեոս 24)՝ Փրկիչն ուսուցանեց տասը կույսերի առակը։ Այդ առակը հիմնված է հրեական հարսանեկան սովորույթների վրա։ Փեսան իր մոտ ընկերների ուղեկցությամբ գիշերով գնում է հարսի տուն հարսանիքի արարողության համար: Արարողությունից հետո հարսանեկան խնջույքի մասնակիցները սովորաբար գնում են փեսայի տուն՝ խնջույքին մասնակցելու համար։ Հարսանիքի հյուրերը, որոնք միանում էին շքերթին, ակնկալվում էր, որ լինեին իրենց լապտերներով, որպեսզի ցույց տային, որ իրենք հարսանիքի մասնակիցներ են։
Անհրաժեշտության դեպքում, օգնեք ուսանողներին հասկանալ, որ կույսերը ներկայացնում են Եկեղեցու անդամներին (տես Դալլին Հ. Օուքս, «Նախապատրաստություն Երկրորդ Գալուստի համար», Լիահոնա, մայիս 2004, 8)։
Նկար
պատկերակ, ուսումնասիրել
Ուսումնասիրեք դասին նախապատրաստվելիս
Կարդացեք Մատթեոս 25.1–13 և մտածեք Տիրոջ վերադարձի համար ձեր պատրաստությունների մասին: (Նշում. Մատթեոս 25.12-ի Ջոզեֆ Սմիթի Թարգմանությունն ասում է. «Դուք ինձ չեք ճանաչում», «Ես ձեզ չեմ ճանաչում»-ի փոխարեն»:) Կարող եք դիտել նաև «They That Are Wise» (ժամանակի կոդ 0:00-5:46) կամ «The Ten Virgins» (1:40):
Տերն ասել է սա նրանց մասին, ովքեր պատրաստված են հարսանեկան խնջույքին. «Քանզի նրանք, ովքեր իմաստուն են և ընդունել են ճշմարտությունը, և վերցրել են Սուրբ Հոգին որպես իրենց ուղեկից, և չեն խաբվել,– ճշմարիտ ասում եմ ձեզ, նրանք չպիտի կտրվեն և կրակի մեջ գցվեն, այլ պիտի մնան այդ օրը» (Վարդապետություն և Ուխտեր 45.57):
Գրի առեք ձեր պատասխանը նախագահ Օուքսի հետևյալ հարցին. «Եթե [դուք] իմանայիք, որ վաղը կհանդիպեիք Տիրոջ հետ՝ [ձ]մեր վաղաժամ մահվան կամ Նրա անսպասելի գալուստի միջոցով, [դուք] ի՞նչ կանեիք այսօր»: («Նախապատրաստություն Երկրորդ Գալուստին», Լիահոնա,մայիս 2004, 9):
