“Itinuro ni Jesus ang tungkol sa Pagmamahal ng Ama sa Langit,” Mga Kuwento sa Bagong Tipan para sa mga Batang Mambabasa, 2018
“Itinuro ni Jesus ang tungkol sa Pagmamahal ng Ama sa Langit”
Mga Kuwento sa Bagong Tipan para sa mga Batang Mambabasa
Itinuro ni Jesus ang tungkol sa Pagmamahal ng Ama sa Langit
Mula sa Lucas 15
Isang araw, nagtipon ang mga tao para pakinggan ang itinuturo ni Jesus. Nagbahagi Siya ng tatlong kuwento.
Sa unang kuwento, iniwan ng pastol ang kanyang kawan para hanapin ang isang nawawalang tupa. Nang matagpuan niya ito, ipinasan niya ito sa kanyang balikat at iniuwi. Napakasaya niya.
Sa sumunod na kuwento, isang babae ang nawalan ng isa sa kanyang mga baryang pilak. Siya ay nagsindi ng kandila, nagwalis, at hinanap ang kanyang barya. Nang matagpuan niya ito, nagdiwang siya kasama ang kanyang mga kaibigan.
Sa huling kuwento, umalis ng bahay ang isang anak na lalaki. Pinili niyang gumawa ng masama at sinayang ang lahat ng kanyang pera. Nagdesisyon siyang umuwi at humingi ng tawad sa kanyang ama. Nang makita ng ama ang paparating na anak, tumakbo siya para yakapin ito.
Ibinahagi ni Jesus ang mga kuwentong ito upang ipakita kung gaano kamahal ng Ama sa Langit ang bawat tao. Siya ay masaya kapag nagsisisi tayo.
Kapag may ginawa akong mali, puwede akong humingi ng tawad at magdasal sa Ama sa Langit. Masaya ang Ama sa Langit kapag ako ay nagsisi, at ako ay masaya rin!
Panoorin ang New Testament stories sa lds.org/children/scripture-stories.
Pahinang Kukulayan
Maaari Akong Manalangin sa Ama sa Langit
I-click ang larawan para mai-download.
Paglalarawan ni Apryl Stott