Si Jesus ay Natuto at Lumaki

Lucas 2:40–52

Ni Marissa Widdison

Mga paglalarawan ni Apryl Stott

Si Jesus ay isinilang bilang isang maliit na sanggol. Ako ay sanggol din dati!

Sina Maria at Jose ay tumulong sa pag-aalaga kay Jesus. Sino ang tumutulong sa akin?

Lumaki si Jesus sa parehong mga paraan na lumalaki ako. Siya ay lumaki sa karunungan. Ang ibig sabihin nito ay natuto Siya ng maraming bagay.

Siya ay lumaki sa pangangatawan. Ang ibig sabihin nito ay lumaki ang Kanyang pangangatawan.

Siya ay lumaki sa pagbibigay lugod sa Diyos. Ang ibig sabihin nito ay natuto Siya tungkol sa Ama sa Langit. Natuto Siyang magdasal. Binasa Niya ang mga banal na kasulatan.

Siya ay lumaki sa pagbibigay lugod sa tao. Ang ibig sabihin nito ay nagkaroon Siya ng maraming kaibigan. Naging mabait Siya sa iba. Tinulungan Niya ang kanyang pamilya.

Matutulungan ko ang aking isip at katawan na lumago at lumaki. Matututo akong sundin ang Diyos. Maaari akong maging mabuting kaibigan. Lalaki ako sa mabubuting paraan, tulad ni Jesus!